logo
banner image

މިނިސްޓަރ އޮފް ފައިނޭންސް އެންޑް ޕްލޭނިންގް އޮނަރަބަލް މޫސާ ޒަމީރު ނިޝާން އިއްޒަތްދީން އިއްޒަތުގެ ވެރިޔާ އަލްމަރުޙޫމް ޙަސަން ޞާބިރުގެ ތައުޒިޔާ ފޮތުގައި ސޮއިކުރައްވައިފި

މިނިސްޓަރ އޮފް ފައިނޭންސް އެންޑް ޕްލޭނިންގް އޮނަރަބަލް މޫސާ ޒަމީރު، މިނިސްޓްރީ އޮފް ޓޫރިޒަމް އެންޑް އެންވަޔަރަމަންޓް އަށް ވަޑައިގެން، ދިވެހިރާއްޖެއަށް ގިނަގުނަ ޚިދުމަތްތަކެއް ކޮށްދެއްވާފައިވާ ނިޝާން އިއްޒައްދީން އިއްޒަތުގެ ވެރިޔާ އަލްމަރުހޫމް ހަސަން ޞާބިރު (އޯ.ޑީ.އާރު.އައި) ގެ ހަނދާނުގައި ހުޅުވާފައިވާ ތައުޒިޔާ ފޮތުގައި ސޮއިކުރައްވައިފިއެވެ.

ވަޒީރު މި ތައުޒިޔާ ފޮތުގައި ސޮއިކުރައްވަމުން، ދިވެހިރާއްޖޭގެ ތަރައްޤީއަށާއި ޤައުމީ ޚިދުމަތުގައި ހަސަން ޞާބިރު ކުރެއްވި އަގުހުރި މަސައްކަތްތަކުގެ މަތީން ހަނދާންކުރައްވައި، ރާއްޖޭއަށް ވަރަށް ގިނަގުނަ މަސައްކަތްތަކެއްކޮށް ދެއްވާފައިވާ ބޭފުޅެއްކަން ފާހަގަކުރައްވާފައިވެއެވެ.

އަލްމަރުހޫމް ހަސަން ޞާބިރަކީ ދިވެހިރާއްޖޭގެ ފަތުރުވެރިކަމުގެ ދާއިރާގެ ބާނީންގެ ތެރޭގައި ހިމެނިވަޑައިގަންނަވާ، އަދި އެކި ސަރުކާރުތަކުގައި ވަރަށް ގިނަ މުހިންމު މަގާމުތަކެއް ފުރުއްވާފައިވާ ބޭފުޅެކެވެ. ރާއްޖެއަށް ކުރިމަތިވި އެކި ހާލަތްތަކުގައި އެމަނިކުފާނު ވަނީ ޤައުމަށްޓަކައި މުހިންމު ޚިދުމަތްތަކެއް ކޮށްދެއްވާފައެވެ.

މި ތައުޒިޔާ ފޮތް ހުޅުވާފައިވަނީ، ޤައުމީ ޚިދުމަތުގައި ދެމިހުންނެވި ބޭފުޅަކަށް އިހުތިރާމް އަދާކުރުމުގެ ގޮތުންނެވެ.