ދަނޑުވެރިކަމާ ދިރޭތަކެއްޗާބެހޭ ވަޒީރު ޑރ.މަރިޔަމް މާރިޔާ ޙަސަން ޞޯބިރުގެ ތަޢުޒިޔާ ދެއްވުމަށް ޒިޔާރަތް ކުރައްވައިފި

ދަނޑުވެރިކަމާ ދިރޭތަކެއްޗާބެހޭ ވުޒާރާގެ ވަޒީރު ޑރ.މަރިޔަމް މާރިޔާ، ދިވެހިރާއްޖޭގެ ކުރީގެ ވަޒީރު އަދި ގިނަ ދުވަސްތަކެއް ވަންދެން ޤައުމީ ޚިދުމަތުގައި ހޭދަކުރެއްވި ނިޝާން އިއްޒަތްދީން އިއްޒަތުގެ ވެރިޔާ އަލްމަރުޙޫމް ޙަސަން ޞޯބިރު (އޯ.ޑީ.އާރު.އައި) އަވަހާރަވުމާ ގުޅިގެން ހުޅުވާފައިވާ ތައުޒިޔާގެ ފޮތުގައި، ސޮއިކުރައްވައިފިއެވެ.

އަލްމަރުޙޫމް ޙަސަން ޞޯބިރު ދިވެހި ޤައުމަށް ގިނަގުނަ ޚިދުމަތްތަކެއް ކުރައްވާފައިވެއެވެ. އެމަނިކުފާނަކީ ވަޒީރެއްގެ ހައިސިއްޔަތުންނާއި، އެހެނިހެންވެސް އެތައް މަޤާމުތަކެއްގައި ހުންނަވައި ޤައުމަށް އިޚްލާޞްތެރިކަމާއެކު ޚިދުމަތް ކުރެއްވި ބޭފުޅެކެވެ.

އެމަނިކުފާނުގެ އަވަހާރަވުމަކީ ދިވެހި ދައުލަތަށާއި ރައްޔިތުންނަށް ލިބުނު ބޮޑު ހިތާމައެކެވެ.