26 ކުޅިވަރު މަޝްރޫޢެއް ތަރައްޤީކުރަން އެމްޓީސީސީއާއެކު ސޮއިކޮށްފި

26 ކުޅިވަރު މަޝްރޫޢުއެއް ތަރައްޤީކުރަން މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ)އާއެކު ސޮއިކޮށްފިއެވެ.

ރާއްޖޭގެ ހުރިހާ ރަށެއްގައި ކުޅިވަރުގެ އަސާސީ ވަސީލަތްތއް ފޯރުކޮށްދިނުމުގެ މަގުސަދުގައި ކުރިއަށްގެންދާ މަޝްރޫޢުގެ ތެރެއިން 77 ކުޅިވަރު ވަސީލަތެއް ތަރައްގީކުރުމަށް މިއަދު ތިން އެސްއޯއީއަކާއެކުވަނީ ސޮއިކޮށްފައެވެ. މިގޮތުން އެމްޓީސީސީއާއެކު އެއްބަސްވުމުގައި މިއަދު ސޮއިކުރެވުނީ ތަފާތު ހަތަރު ދާއިރާއެއްގެ ކުޅިވަރު ވަސީލަތްތަކެއް ތަރައްގީކުރުމަށެވެ.

މިއަދު ހެންވޭރު ބޯޅަގޭގައި އޮތް ރަސްމިއްޔާތުގައި ކުޅިވަރު ވަސީލަތްތައް ޤާއިމްކުރުމުގެ އެއްބަސްވުމުގައި ކުޅިވަރާއި ހަށިހެޔޮކަމާ ބެހޭ ވުޒާރާގެ ފަރާތުން ސޮއިކުރެއްވީ ކުޅިވަރު ވަޒީރު، ޢަބްދުﷲ ރާފިޢުއެވެ. އެމްޓީސީސީގެ ފަރާތުން ސޮއިކުރެއްވީ މެނޭޖިން ޑިރެކްޓަރ ޑީސީޕީ ރިޓެއާޑް އަޙްމަދު ސައުދީއެވެ.

އެމްޓީސީސީއާ ހަވާލުކުރެވުނު މަޝްރޫޢުތަކުގެ ތެރޭގައި ހިމެނެނީ 11 އައުޓްޑޯ ޖިމް ތަރައްޤީކުރުމާއި، 10 ފިޓްނަސް ރެކްރިޢޭޝަން ސެންޓަރު ތަރައްޤީކުރުމުގެ އިތުރުން ތިން ފުޓްބޯޅަ ދަނޑާއި، ވޮލީބޯޅަ ދެ ކޯޓު އެޅުމެވެ.