ވަޒީރު ޑރ ޢާއިޝަތު ޝިހާމް ފ ނިލަންދޫއަށް ވަޑައިގެންފި.
ވަޒީރު ޑރ ޢާއިޝަތު ޝިހާމް ފ ނިލަންދޫއަށް ޒިޔާރަތްކުރައްވައިފިއެވެ.
ވަޒީރުގެ މި ދަތުރުފުޅަކީ ފ އަތޮޅުގައި އަލަށް ޤާއިމްކުރާ ފެމެލީ އެންޑް ޗިލްޑްރަން ސެންޓަރުގެ މަސައްކަތްތައް ކުރިއަށްދާގޮތް ބައްލަވާލެއްވުމާއެކު، އާ ސެންޓަރުގައި ޚިދުމަތްތައް ކުރިއަށް ގެންދާނެ ގޮތްތަކާއި ގުޅޭގޮތުން މަޝްވަރާކުރުމާއި، އެފްސީއެސްސީއަށް ޒިޔާރަތްކުރެއްވުމެވެ.
ވަޒީރު ޑރ ޢާއިޝަތު ޝިހާމް ނިލަންދޫއަށް ވަޑައިގަތުމުން އެ ރަށުން ވަނީ އެ ކަމަނާއަށް ހޫނު މަރުހަބާއެއް ދަންނަވާފައި. މި ދަތުރުފުޅުގައި، މުއައްސަސާތަކާއި ގުޅިގެން އިޖުތިމާޢީ އަދި ޢާއިލީ ތަރައްޤީއަށް ކުރެވޭނެ ކަންކަމާއި ގުޅޭގޮތުން މަޝްވަރާކޮށް ޚިޔާލުބަދަލުކުރެއްވުމަށް މުއައްސަސާތަކާއެކު ބައްދަލުވުންތައް ކުރިއަށް ގެންދިއުމަށް ވަނީ ހަމަޖެހިފައެވެ.