ފިޔަވަތީގައި ބަލަހައްޓަމުންދާ ކުދިންނާއި މުވައްޒަފުންގެ މެދުގައި ބޭއްވި މަދަހަ އަދި ޤުރުއާން މުބާރާތުގެ ނަތީޖާ ފާޅުކޮށްފި
ފިޔަވަތީގައި ބަލަހައްޓަމުންދާ ކުދިންނާއި މުވައްޒަފުންނަށް އަމާޒުކޮށްގެން ބޭއްވި މަދަހަ އަދި ޤުރުއާން މުބާރާތުގެ ނަތީޖާ ފާޅުކޮށްފިއެވެ.
6 އަހަރާއި 9 އަހަރާ ދެމެދު، 10 އަހަރާ 14 އަހަރާ ދެމެދު، 14 އަހަރުން މަތި، ނުކުޅެދުންތެރިކަން ހުންނަ ކުދިން އަދި މުވައްޒަފުން ހިމެނޭހެން ޖުމްލަ 5 ކެޓަގަރީއެއް ވާދަކުރި މި މުބާރާތުގައި ކޮންމެ ކެޓަގަރީއަކުން 1 ވަނަ 2 ވަނަ އަދި 3 ވަނަ ހޮވައި ވަނަވަނަ އަށް އައި ފަރާތްތަކަށް ވަނީ އިނާމު ހަވާލުކޮށްފައެވެ.
ފިޔަވަތީގައި މިފަދަ މުބާރާތެއް ބޭއްވުމުގެ ބޭނުމަކީ ކުދިންގެ ހިތްތަކުގައި ދީނީ ރޫހު އާލާކުރުމާއެކު، ކުދިންގެ ހުނަރުތައް ދައްކާލުމުގެ ފުރުސަތު ފަހިކޮށްދިނުމެވެ.