logo
banner image

އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކަށް ރެހެންދި އެވޯޑަށް ހުށަހެޅުމުގެ ފުރުޞަތު

އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކުން އެވޯޑަށް ހުށަހެޅޭ ކެޓަގަރީއިން ރެހެންދި އެވޯޑަށް ހުށަހެޅޭނީ ޤާނޫނު ނަންބަރު 7/2010 "ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ޤާނޫނު"ގެ ދަށުން ކޮންމެ ރަށު ކައުންސިލަކާއި ކޮންމެ ސިޓީ ކައުންސިލެއްގެ ބެލުމުގެ ދަށުގައި އޮންނަ އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކަށެވެ.

މި ކެޓަގަރީއިން ރެހެންދި އެވޯޑު ދިނުމުގައި ބަލާނީ އަންނަނިވި ރަށް ނުވަތަ ސިޓީގެ ތަރައްޤީގެ ކަންކަމުގައާއި ކައުންސިލުން ދެމުންގެންދާ ރަށްވެހިކަމުގެ ޚިދުމަތްތަކާ ބެހޭގޮތުން ރަށު ކައުންސިލަށް ނުވަތަ ސިޓީ ކައުންސިލަށް ލަފާ ދީފައިވާ މިންވަރާއި، ކައުންސިލުގެ ތަރައްޤީގެ ޕްލޭން އެކުލަވާލުމުގައި އަންހެނުންނަށް ދިމާވާ ގޮންޖެހުންތަކާއި އަންހެނުންގެ ކުރިއެރުމަށް ބަދަލުގެނައުމަށް އިސްކަންދެވޭ ހަރަކާތްތައް ހިމެނުމަށް ކޮށްފައިވާ މަސައްކަތްތަކަށެވެ. އަދި އަންހެނުންނާއި އަންހެން ކުދިންގެ ހައްޤުތައް ރައްކާތެރިކުރުމަށް އަދި ވަކި ޖިންސަކަށް ވީތީ ކުރާ އަނިޔާ ހުއްޓުވުމަށާއި ހޭލުންތެރިކަން އިތުރުކުރުވުމަށް ކުރެވިފައިވާ މަސައްކަތްތަކާއި، އެރަށެއްގެ އަންހެނުންގެ ޙާލަތު ރަނގަޅުކުރުމަށް ކޮށްފައިވާ މަސައްކަތްތަކާއި އެކަމުން އައިސްފައިވާ ބަދަލުގެ އިތުރުން، އަންހެނުންނަށް ލިބޭ ވަޒީފާއާއި ވިޔަފާރީގެ ފުރުޞުތުތައް ފަހިކޮށްދިނުމަށް ކޮށްފައިވާ މަސައްކަތްތަކާއި، އެރަށެއްގައި ސިޔާސީ ދާއިރާއިން އަންހެނުންގެ ބައިވެރިވުން އިތުރުކުރުމަށް ކުރެވިފައިވާ މަސައްކަތްތަކަށެވެ. އެއާއެކު، އެރަށެއްގައި އަންހެނުންގެ ހިއްސާ މަދު ދާއިރާތަކުގައި އަންހެނުންގެ ހިއްސާ އިތުރުކުރުމަށް ކޮށްފައިވާ

މަސައްކަތްތަކާއި، ތައުލީމު ހާސިލުކުރުމުގައި އަންހެނުންނާއި އަންހެން ކުދިންނަށް ހުރި ހުރަސްތައް ނައްތާލުމަށާއި ފުރުސަތުތައް ފަހިކޮށްދިނުމަށް ކޮށްފައިވާ މަސައްކަތްތަކާއި، މިންތީގެ ހަމަހަމަކަން ޤާއިމުކޮށް، އަންހެނުންނާއި ކުޑަކުދިންގެ ސިއްހީ ހާލަތު ރަނގަޅުކުރުމަށާއި އަންހެނުންނާ ގުޅުންހުރި ސިއްހީ ކަންތައްތަކަށް ހޭލުންތެރިކުރުވުމަށާއި ދުޅަހެޔޮކަން އިތުރުކުރުވުމަށް ކޮށްފައިވާ މަސައްކަތްތަކާއި، އަންހެނުންނާ ބެހޭ މުހިންމު މަޢުލޫމާތު އެއްކޮށް އަދި އެ މަޢުލޫމާތުގެ ބޭނުން ހިފާފައިވާ މިންވަރަށެވެ.

ރެހެންދި އެވޯޑަށް އެދި ހުށަހަޅާނީ ފޯމު ފުރިހަމަކުރުމަށްފަހު، އެޕްލިކޭޝަނަށް ބޭނުންވާ އެންމެހައި ލިޔެކިޔުންތަކާއެކު އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާއަށް އީމެއިލް މެދުވެރިކޮށެވެ. އަދި ބަންދުނޫން ކޮންމެ ދުވަހެއްގެ ހެނދުނު 09:00 އިން މެންދުރުފަހު 2:00 އަށް އުމަރު ޒާހިރު އޮފީސް އިމާރާތް،( އޯކިޑުމާ ހިނގުން، ހުޅުމާލެ) ގެ ކައުންޓަރުންވެސް ފޯމު ބަލައިގަންނާނެއެވެ.

އެވޯޑަށް ނަން ހުށަހެޅުމުގެ ސުންގަޑިއަކީ 04 މެއި 2025 ވާ އާދިއްތަ ދުވަހުގެ މެންދުރުފަހު 2:00 މިނެޓެވެ. އެވޯޑަށް އެދި ހުށަހަޅާ ކޮންމެ ލިޔުމަކީ އެވޯޑަށް އެދި ހުށަހަޅާ ދާއިރާއިން ކޮށްފައިވާ މަސައްކަތްތަކާއި ހާސިލުކޮށްފައިވާ ނަތީޖާތައް ދައްކުވައިދޭ ލިޔުންތަކެއްކަން ކަށަވަރުކުރުން އެދެމެވެ. އަދި މިކަންކަމާ ގުޅުން ނެތް ލިޔުންތައް ހުށަނޭޅުމަށް އެދެމެވެ.