ހަފްތާގެ މޭވާ - ޕެއާސް

ޕެއާސްއަކީ ރާއްޖޭގައި މިހާރު ވަރަށް ފަސޭހައިން ލިބެންހުރި މޭވާއެކެވެ. މި މޭވާގެ ގިނަ ވައްތަރުތަކެއް ރާއްޖޭގެ މާރުކޭޓުތަކުން ފެންނަން ހުރެއެވެ. ޕެއާސްގައި ހިމެނޭ ފައިދާހުރި މާއްދާތަކުގެ ސަބަބުން، މިއީ ސިއްޙީގޮތުން ވަރަށް މުހިންމު މޭވާއެކެވެ.

ޕެއާސްގައި ގިނަ އަދަދަކަށް ވިޓަމިންތަކާއި، އެންޓިއޮކްސިޑަންޓްސް އަދި މިނަރަލްތައް އެކުލެވިގެންވެއެވެ. މި މާއްދާތަކުގެ ސަބަބުން ހަށިގަނޑަށް ވަރަށް ގިނަ ފައިދާތަކެއް ލިބެއެވެ. ޚާއްޞަކޮށް ފާހަގަކޮށްލެވެނީ ޕެއާސްގައި ފެޓްސް އަދި ކޮލެސްޓްރޯލް ނުހުންނަކަމެވެ. މިކަމުގެ ސަބަބުން، ޕެއާސްއަކީ ލުއި ކެއުމަކަށް ބޭނުންކުރެވޭ އެންމެ ރަނގަޅު މޭވާތަކުގެ ތެރެއިން އެއް މޭވާއެވެ.

ޕެއާސް ކެއުމުން ލިބޭ ސިއްޙީ ފައިދާތައް ވަރަށް ގިނައެވެ. އޭގެ ތެރޭގައި ހިމެނެނީ:

1. ހަޖަމުކުރުމުގެ ނިޒާމު ރަނގަޅުވުން

2. ބަނޑު ފުރިހަމަވާކަމުގެ އިޙްސާސް ލިބި، ކެއުމުގެ މިންވަރު މަދުވުން

3. ހިތުގެ ބަލިތަކުން ރައްކާތެރިވުން

4. ގޮހޮރުގެ އުނދަގޫތަކަށް ޙައްލު ލިބުން

5. ހަށިގަނޑުގައި އެކުލެވޭ ވިހަތައް ބޭރުކުރުން

6. ހަށިގަނޑުގެ ސެލްތަކުގެ ރައްކާތެރިކަން ދެމެހެއްޓުން

ޕެއާސްގައި ފައިބަރ އަދި ފެން ގިނައިން އެކުލެވިފައިވާތީ، މިއީ ދުޅަހެޔޮ ސިއްޙަތެއް ދެމެހެއްޓުމަށް އެންމެ އެކަށޭނަ މޭވާތަކުގެ ތެރެއިން އެއް މޭވާއެވެ. ޚާއްޞަކޮށް ލުއި ކެއުމެއް ނުވަތަ ޑައިޓެއް ގެންގުޅޭ ފަރާތްތަކަށް ޕެއާސްއަކީ އެންމެ ރަނގަޅު ޚިޔާރެކެވެ.

އެހެންކަމުން ޕެއާސްއަކީ ސިއްޙީގޮތުން ވަރަށް ފައިދާހުރި މޭވާއަކަށް ވާއިރު، ދުވާލަކު އެއް ޕެއާސް ކެއުމަކީ ސިއްޙަތަށް ނުހަނު ފައިދާހުރި ކަމެކެވެ.