އިޤްތިޞާދީ ވުޒާރާއިން "އަގުމަގު" ޕޯޓަލް ތައާރަފްކޮށްފި
އިޤްތިޞާދީ ވުޒާރާއިން "އަގުމަގު" ގެ ނަމުގައި އޮންލައިން ޕޯޓަލެއް ތައާރަފްކޮށްފިއެވެ.
މި ޕޯޓަލް ތަޢާރަފްކޮށްފައިވަނީ ޕީއެސްއެމް "ރޯދައަށް ތައްޔާރު" ޕޮރޮގްރާމްގައެވެ. މި ޕޯޓަލްއަކީ ރަމަޟާން މަހަށް ޚާއްސަކޮށް ކާބޯތަކެތީގެ އަގުތައް ފަސޭހަކަމާއެކު ބަލާލުމަށް ތައްޔާރުކޮށްފައިވާ ޚިދުމަތެކެވެ. މި ޕޯޓަލްގެ މަޤްޞަދަކީ ރަމަޟާން މަހުގައި އާންމުކޮށް ބޭނުންކުރާ ކާބޯތަކެތީގެ އަގުތައް ރައްޔިތުންނަށް ފަސޭހައިން ބަލާލެވޭނެ ގޮތް ހަދައިދިނުމެވެ.
މި ޕޯޓަލްގައި މިވަގުތު ހިމެނިފައިވަނީ މާލެ ސަރަޙައްދުގެ ފިހާރަތަކުގެ މަޢުލޫމާތުތަކެވެ. ކުރިއަށް އޮތް ތަނުގައި އަތޮޅުތަކުގެ ފިހާރަތަކުގެ މަޢުލޫމާތު ވެސް ހިމެނުމަށް ރޭވިފައިވެއެވެ. މި ޕޯޓަލް ބޭނުންކުރެވޭނީ އަގުމަގު ވެބްސައިޓް މެދުވެރިކޮށެވެ.