logo
banner image

ބޮޑެތި ގައުމުތަކުގެ ކުރިއެރުމުން ކުދި ގައުމުތަކަށް ވެސް ފައިދާ ކުރާނެކަން ރާއްޖެ އާއި ޗައިނާއާ ދެމެދު އޮންނަ އެއްބާރުލުމުން ސާބިތުވޭ: ވަޒީރު މުހައްމަދު ސަޢީދު

ބޮޑެތި ގައުމުތަކުގެ ކުރިއެރުމުން ކުދި ގައުމުތަކަށް ވެސް ފައިދާ ކުރާނެކަން ރާއްޖެ އާއި ޗައިނާއާ ދެމެދު އޮންނަ އެއްބާރުލުމުން ސާބިތުވާކަމަށް ރާއްޖޭގެ އިގްތިސާދީ ތަރައްޤީއާއި ވިޔަފާރިއާބެހޭ ވަޒީރު މުހައްމަދު ސަޢީދު ވިދާޅުވެއްޖެއެވެ.

ޖޫންމަހުގެ 25 އިން 27 އަށް ބާއްވާ 15 ވަނަ ސަމާ ޑާވޯސް ފޯރަމްގައި ބައިވެރިވެ ވަޑައިގަތުމަށް ޗައިނާ އަށޤ ކުރައްވަމުންގެންދަވާ ދަތުރުފުޅުގައި ޗައިނާގެ ބެއިޖިންގ ޑެއިލީ އަށް ދެއްވި ބަސްދީގަތުމެއްގައި ވަޒީރު ވިދާޅުވީ ޗައިނާއަކީ އަދިވެސް ރާއްޖެއަށް އެންމެ ގިނައިން ފަތުރުވެރިން އަންނަ ގައުމު ކަމަށާއި ޗައިނާގެ އިތުރު ސިޓީތަކުން ރާއްޖެއަށް ސީދާ ދަތުރުތައް ފަށާފައިވާ ކަމަށާއި އެކަމުގެ ސަބަބުން ފަތުރުވެރިކަމާއި ވިޔަފާރިއަށް ހެޔޮ ކުރިއެރުމެއް ލިބިގެންދާނެ ކަމަށެވެ. ރާއްޖޭގައި އިންވެސްޓްކޮށް އިމާރާތް ކުރާ ޗައިނާގެ ގިނަ ވިޔަފާރިތަކެއް ވެސް އެބަހުއްޓެވެ. ރާއްޖެ ފަދަ ކުދި ގިނަ ގައުމުތަކުގެ ޒަރޫރީ ބޭނުންތައް ފުއްދުމަށް ޓަކައި އުމްރާނީ ތަރައްގީގެ މަސައްކަތްތައް ކުރިއަށް ގެންދިއުމަށާއި މޫސުމަށް އަންނަ ބަދަލުތަކާ ކުރިމަތިލުމުގައި އެ ގައުމުތަކުގެ ރެޒިލިއަންސް ހަރުދަނާ ކުރުމަށް އެހީތެރިކަން ފޯރުކޮށްދިނުމަށް ޗައިނާ އިން އެހީތެރިވެދެ އެވެ. ރާއްޖެ ފަދަ ގައުމަކަށް ޗައިނާގެ އެއްބާރުލުމާއި އެހީތެރިކަން ވަރަށް މުހިންމު ކަމަށާއި ރާއްޖެއަކީ ވަރަށް ކުޑަ އިޤްތިޞާދެއް ކަމަށާއި ޗައިނާއަކީ ދުނިޔޭގައި އޮތް އެންމެ ބޮޑު އެއް އިޤްތިޞާދު ކަމަށެވެ.

ވަޒީރު ވިދާޅުވީ ރާއްޖެއަކީ ކުޑަ ގައުމަކަށްވީ ނަމަވެސް، އިންޑިއާ ކަނޑުގެ މެދުގައި އޮންނަ ކަނޑުގެ ބާރަކީ ވެސް، އިރުމައްޗާއި ހުޅަނގު ގުޅާލުމުގެ މުހިންމު ރޯލެއް އޮތް، ނުހަނު ފުދުންތެރިކަން ބޮޑު ގައުމެއް ކަމަށެވެ.

ބެއިޖިންއަށް އިޝާރާތް ކުރައްވައި ވަޒީރު ސައީދު ވިދާޅުވީ ބެއިޖިންއަށް ޒިޔާރަތް ކުރުމުގެ ފުރުސަތު ގިނަ ފަހަރަށް ލިބިވަޑައިގަންނަވާ ކަމަށާއި އެކުވެރި، ފެހި، ސާފު އަދި ހިތްގައިމު މި ސިޓީ ވަރަށް ކަމުދާ ކަމަށެވެ. ބެއިޖިންއަށް ޒިޔާރަތްކުރާ ކޮންމެ ފަހަރަކު ތަފާތު ރެސްޓޯރެންޓްތަކުން މީރު ކެއުންތަކުގެ ރަހަ ބަލައި، ބެއިޖިންގެ މެހެމާންދާރީގެ އުފާ ލިބިގަތުމުގެ ފުރުސަތު ލިބެ އެވެ. އަދި ބެއިޖިން ޑެއިލިއަށް މެސެޖެއް ދެއްވަމުން ވިދާޅުވީ "އަޅުގަނޑު އުންމީދު ކުރަން، ތިޔަބޭފުޅުން ރާއްޖެ ވަޑައިގެން، ރާއްޖެއާ ބެހޭ ގޮތުން ވާހަކަތައް ދެއްކެވުމަށް. ރާއްޖެއަށް އިތުރު އެއްބާރުލުމާއި ތަރައްގީ ބޭނުންވާއިރު، އުއްމީދަކީ ޗައިނާގެ އިތުރު ފަތުރުވެރިން ޒިޔާރަތްކޮށް، ޗައިނާގެ އިތުރު ވިޔަފާރިތަކުން ރާއްޖޭގައި އިންވެސްޓް ކުރުން" ކަމަށެވެ