މިނިސްޓަރ ޠާރިޤް އިބްރާހީމް އަދި ޔޫ.އެން.ޑީ.ޕީ މޯލްޑިވްސް އިން މޯލްޑިވްސް ރީފް ޕްރޮޖެކްޓްގެ ފުރަތަމަ ބައްދަލުވުން ބާއްވައިފި

މިނިސްޓަރ ޠާރިޤް އިބްރާހީމް އަދި ޔޫ.އެން.ޑީ.ޕީ މޯލްޑިވްސް އިން މިއަދު ގްލޯބަލް ފަންޑް ފޯ ކޯރަލް ރީފްސް އިން ފަންޑް ކުރާ މޯލްޑިވްސް ރެސިލިއަންޓް ރީފް އިކޯސިސްޓަމް އެންޑް އިކޮނޮމީސް ފޯ ދަ ފިއުޗަރ (މޯލްޑިވްސް ރީފް) ޕްރޮޖެކްޓްގެ ފުރަތަމަ ޕްރޮޖެކްޓް ސްޓިއަރިންގ ކޮމިޓީ ބައްދަލުވުން ބާއްވައިފިއެވެ.

މި ބައްދަލުވުމުގައި، ރާއްޖޭގެ މުސްތަޤްބަލަށް ދެމެހެއްޓެނިވި ގޮތެއްގައި މަސައްކަތް ކުރުމުގެ މުހިންމުކަން ފާހަގަކޮށް، އެކަމަށް އެންމެން ގުޅިގެން މަސައްކަތް ކުރުމުގެ މުހިންމުކަން ފާހަގަކުރެވުނެވެ. މީގެ އިތުރުން، ޕްރޮޖެކްޓްގެ ހަރަކާތްތަކާ ބެހޭ ގޮތުން މަޝްވަރާކުރެވުނެވެ.

ޕްރޮޖެކްޓްގެ ފުރަތަމަ ފިޔަވަހީގައި އައްޑޫ އަދި ފުވައްމުލަކުގެ ނޭޗަރ ޕާކްތައް އާރާސްތުކުރުމަށް އަމާޒުކުރެވިފައިވާކަން ފާހަގަކުރެވުނެވެ. އަދި ދެވަނަ ފިޔަވަހީގައި ސަރުކާރުގެ ސިޔާސަތުތަކާ އެއްގޮތްވާ ގޮތުގެ މަތިން ހަރަކާތްތައް ރޭވިގެންދާނެކަން ބައްދަލުވުމުގައި ފާހަގަކުރެވުނެވެ.

މި ބައްދަލުވުމަކީ ރާއްޖޭގެ މުރަކަތަކާއި ކަނޑުގެ ދިރުންތައް ރައްކާތެރިކޮށް ދެމެހެއްޓުމަށް ކުރެވޭ މުހިންމު މަސައްކަތެއްގެ ގޮތުގައި ބެލެވެއެވެ. މި ޕްރޮޖެކްޓްގެ ސަބަބުން ރާއްޖޭގެ ތިމާވެށި ރައްކާތެރިކުރުމަށާއި، އިޤްތިޞާދީ ގޮތުން ކުރިއެރުން ހޯދުމަށް މަގުފަހިވެގެންދާނެކަމަށް އުއްމީދު ކުރެވެއެވެ.