އއ.ތޮއްޑޫ ސްކޫލުގެ ދަރިވަރުންނަށް "ކެރިއަރ ގައިޑެންސް" ސެޝަނެއް ކުރިއަށްގެންގޮސްފި

އެމްއެންޑީއެފް މާލޭ އޭރިއާ ކޮމާންޑުން އއ.ތޮއްޑޫ ސްކޫލުގެ ދަރިވަރުންނަށް "ކެރިއަރ ގައިޑެންސް"އާ ގުޅޭ ސެޝަނެއް ކުރިއަށްގެންގޮސްފިއެވެ.

އއ.ތޮއްޑޫ ސްކޫލުގެ އެދިލެއްވުމަކަށް މިއަދު އެ ސްކޫލުގައި ކުރިއަށް ގެންދިޔަ މި ސެޝަންގައި ތަޢުލީމީ ހަޔާތުގައާއި އަދި ކިޔަވައި ނިމިގެން ކުރިއަަށް ދެވިދާނެ ދާއިރާތަކާބެހޭ މަޢުލޫމާތުތައް ދަރިވަރުންނަށް ވަނީ ހިއްސާކޮށްފައެވެ. މި ސެޝަންގައި އެ ސްކޫލުގެ ގްރޭޑް 8، 9 އަދި 10 ހިމެނޭހެން 89 ދަރިވަރުން ވަނީ ބައިވެރިވެފައެވެ.

މި ސެޝަންގައި މަޢުލޫމާތު ފޯރުކޮށްދިނީ އެމްއެންޑީއެފް މާލޭ އޭރިއާ ކޮމާންޑްގެ ސިފައިންނެވެ.