އެމްއެންއެސްޑީއޭގައި ރެޖިސްޓަރކުރުމުގެ އުޞޫލު ގެޒެޓްކޮއްފި

ނޭޝަނަލް ކޮމްޕިޓެންސީ ސްޓޭންޑަރޑްތަކަށް ތަމްރީނުދޭ ފަރާތްތައް ރަޖިސްޓަރީކުރުމާއި ޕުރޮގްރާމު ރަޖިސްޓަރީކުރުމުގެ އުޞޫލު ޝާޢިއުކޮށްފި

މޯލްޑިވިސް ނޭޝަނަލް ސްކިލްސް ޑިވެލޮޕްމަންޓް އޮތޯރިޓީ (އެމްއެންއެސްޑީއޭ) އިން ނޭޝަނަލް ކޮމްޕީޓެންސީ ސްޓޭންޑަރޑްތަކަށް ތަމްރީނުދޭ ފަރާތްތައް ރަޖިސްޓަރީކުރުމާއި، ޕުރޮގްރާމު ރަޖިސްޓަރީކުރުމުގެ އުޞޫލު ދިވެހި ސަރުކާރުގެ ގެޒެޓްގައި ޝާޢިއުކޮށްފިއެވެ.

ދިވެހިރާއްޖޭގެ މަތީ ތަޢުލީމާއި ތަމްރީނުގެ ޤާނޫނު ނަންބަރު: 2021/7 ގެ ހަވަނަ ބާބު (މަސައްކަތުގެ ތަޢުލީމާއި ތަމްރީނު ދިނުމުގެ ޤައުމީ ނިޒާމް)ގެ 52 ވަނަ މާއްދާ އާއި 53 ވަނަ މާއްދާގެ ދަށުން، އެކުލަވާލާފައިވާ މި އުޞޫލުގައި، ތަމްރީނުދޭ ފަރާތް ރަޖިސްޓްރީކުރުމަށް ހުށަހެޅުމާއި، ޕުރޮގްރާމު ރަޖިސްޓްރީކުރުމާއި، ކިޔަވައިދޭ ފަރާތުގެ ކިބައިގައި ފުރިހަމަވާން ޖެހޭ ޝަރުތުތަކާއި، ޕްރޮގްރާމް ހިންގުމާއި ދަރިވަރުން އެންރޯލްކުރުމާއި, ޝަކުވާތައް ހުށަހެޅުމުގައި ޢަމަލުކުރަން ޖެހޭގޮތާއި، އެޑްވާންސްޑް ސްޓޭޑިންގ އަދި ތަމްރީނުދޭ ފަރާތް ރަޖިސްޓަރީ ކުރުމަށާއި ޕްރޮގްރާމު ރަޖިސްޓްރޭޝަން އަށް ދައްކަންޖެހޭ ފީ ފަދަ މުޙިއްމު ކަންކަމާއި ގުޅޭގޮތުން ކަނޑައަޅާފައިވާ އުޞޫލުތަށް ވަނީ ޝާޢިއުކުރެވިފައެވެ.

އެމްއެންއެސްޑީއޭގެ ފަރާތުން ޝާޢިއުކުރެވިފައިވާ މި އުޞޫލާއި ގުޅޭ އިތުރު މަޢުލުމާތު ތިރީގައިވާ ލިންކު މެދުވެރިކޮށް ލިބޭނެއެވެ.