ދަނޑުވެރިކަމާއި ކާބޯތަކެތީގެ ނިޒާމުތަކުގެ ދެމެހެއްޓެނިވިކަމަށް އަމާޒުކޮށް ވަރކްޝޮޕެއް ބޭއްވިއްޖެ

"އަ ހޮލިސްޓިކް އެޕްރޯޗް ޓު އެގްރިކަލްޗަރަލް ފުޑް ސިސްޓަމްސް ރެސިލިއެންސް އެންޑް އެޑެޕްޓޭޝަން އިން މޯލްޑިވްސް" މި ނަމުގައި ހިންގޭ ޖީ.އީ.އެފް އެސް.ސީ.ސީ.އެފް މަޝްރޫޢުގެ ވެލިޑޭޝަން ވަރކްޝޮޕެއް އިއްޔެ ބޭއްވިއްޖެއެވެ.

މި ވަރކްޝޮޕަކީ ރާއްޖޭގެ ދަނޑުވެރިކަމުގެ ދާއިރާގައި ދިމާވާ ގޮންޖެހުންތަކަށް ހައްލު ހޯދުމަށް އަޅާ މުހިންމު ފިޔަވަޅެކެވެ. މި ޕްރޮޖެކްޓްގެ ދަށުން ދެކުނުގެ ފަސް އަތޮޅުގެ އަމާޒުކުރެވޭ ރަށްތަކުގައި މޫސަމަށް އަންނަ ބަދަލުތަކުން ދަނޑުވެރިކަން ކުރުމުގައި ދިމާވާ ގޮންޖެހުންތަކާ ކުރިމަތިލުމުގެ ޤާބިލްކަން އިތުރުކުމަށް މަސައްކަތް ކުރެވިގެންދާނެއެވެ.

އެގޮތުން، މި ޕްރޮޖެކްޓުގެ މަސައްކަތްތައް ފެށޭނެކަމަށް ލަފާކުރެވެނީ 2025 ވަނަ އަހަރުގެ ފަހު ކުއާޓަރުގައެވެ. މި ޕްރޮޖްކްޓު ތަންފީޒުކުރުމުގައި މައިގަނޑު ބައިވެރިއަކީ ފުޑް އެންޑް އެގްރިކަލްޗަރ އޯގަނައިޒޭޝަން (އެފް.އޭ.އޯ) އެވެ.

މި ޕްރޮޖްކްޓުގެ ސަބަބުން ރާއްޖޭގެ ދަނޑުވެރިކަމުގެ ދާއިރާއަށް ގިނަގުނަ ފައިދާތަކެއް ކޮށް، ޚާއްޞަކޮށް މޫސުމަށް އަންނަ ބަދަލުތަކާ ގުޅިގެން ދިމާވާ ގޮންޖެހުންތަކަށް ހައްލު ހޯދުމަށް މަގުފަހިވެގެންދާނެއެވެ. އަދި މީގެ ސަބަބުން ރާއްޖޭގެ ކާބޯތަކެތީގެ ރައްކާތެރިކަން އިތުރުވެ، ދަނޑުވެރިންގެ އާމްދަނީ އިތުރުވުމަށް މަގުފަހިވެގެންދާނެއެވެ.

މި ވަރކްޝޮޕްގައި ސަރުކާރުގެ ކަމާބެހޭ އިދާރާތަކުގެ އިތުރުން، ދަނޑުވެރިކަމުގެ ދާއިރާގައި މަސައްކަތްކުރާ ޖަމްޢިއްޔާތަކާއި އަމިއްލަ ފަރާތްތައް ބައިވެރިވިއެވެ. މި ވަރކްޝޮޕްގައި މަޝްރޫޢުގެ މަޤްޞަދުތަކާއި ލަނޑުދަނޑިތައް ހާސިލުކުރުމަށް އެޅިދާނެ ފިޔަވަޅުތަކާ ގުޅޭގޮތުން ވަނީ މަޝްވަރާކުރެވިފައެވެ.