"ނުކުޅެދުންތެރިކަން ހުންނަ ފަރާތްތަކާ އެކު މަސައްކަތްކުރާއިރު ތަކުރާރުކޮށް ފާހަގަ ވެގެންދާ ކަމަކީ އެބޭފުޅުންގެ ހިތްވަރާއި، ހުނަރާއި، މަސައްކަތްތަކަށް ކުރިމަތިލެއްވުމަށް އެ ގެންގުޅުއްވާ ހިތްވަރު"

ނުކުޅެދުންތެރިކަން ހުންނަ ފަރާތްތަކާ އެކު މަސައްކަތްކުރާއިރު ތަކުރާރުކޮށް ފާހަގަ ވެގެންދާ ކަމަކީ އެބޭފުޅުންގެ ހިތްވަރާއި، ހުނަރާއި، މަސައްކަތްތަކަށް ކުރިމަތިލެއްވުމަށް އެ ގެންގުޅުއްވާ ހިތްވަރުކަމަށް ވަޒީރު ޑރ. ޢާއިޝަތު ޝިހާމް ވިދާޅުވެއްޖެއެވެ.

ވަޒީރު އެހެން ވިދާޅުވެފައިވަނީ ބައިނަލްއަޤްވާމީ ގޮތުން ފާހަގަކުރާ ނުކުޅެދުންތެރިކަން ހުންނަ ފަރާތްތަކުގެ ދުވަހާ ގުޅިގެން ދެއްވި ޚާއްޞަ މެސެޖެއްގައެވެ.

ވަޒީރު އިތުރަށް ވިދާޅުވީ، ނުކުޅެދުންތެރިކަން ހުންނަ ފަރާތްތަކަކީ މުޖުތަމަޢުގެ އެއް އަސާސް ކަމަށެވެ. އަދި އެފަރާތްތައް ތަހައްމަލު ކުރައްވަމުންދާ ހުރިހާ ދަތިތަކާއި، އެފަރާތްތަކަށް ލިބޭ ކޮންމެ އުފަލަކީވެސް އެއީ އަޅުގަނޑުމެން ބައިވެރިވެ، ހިއްސާކުރާ ކަންތައް ކަމަށެވެ. މީގެ އިތުރުން، ނުކުޅެދުންތެރިކަން ހުންނަ ފަރާތްތަކާއި އެކީގައި މަސައްކަތް ކުރުމުގެ ފުރުޞަތު ލިބުމަކީ އަޅުގަނޑުމެންނަށް ލިބޭ ވަރަށް ބޮޑު ޝަރަފެއް ކަމަށް ވެސް ވަޒީރު ވިދާޅުވިއެވެ.