ލ.އަތޮޅުގެ އިބަމަ މެންބަރުންނަށް ސީ.ބީ.އާރު އަދި ރިހެޕްގެ ތަމްރީނު ޕްރޮގްރާމެއް ބާއްވައިފި

ލ.އަތޮޅުގެ ރަށްތަކުގައި އުފައްދާފައިވާ އިޖުތިމާޢީ ބަދަހި މަދަދުވެރިން (އިބަމަ) މެންބަރުންނަށް އަމާޒުކޮށްގެން ކޮމިއުނިޓީ ބޭސްޑްް ރީހެބިލިޓޭޝަން (ސީ.ބީ.އާރު) އަދި ރީހެބިލިޓޭޝަން އެޕލިކޭޝަނެއް ކަމަށްވާ، ރިހެޕް އާއި ގުޅުންހުރި ތަމްރީނު ޕްރޮގްރާމެއް ބާއްވައިފިއެވެ. މި ތަމްރީނު ޕްރޮގްރާމް ކުރިއަށް ގެންދެވިފައިވަނީ 3 ޑިސެންބަރު ވީ އަންގާރަ ދުވަހުއެވެ.

މި ތަމްރީނު ބައްދަލުވުމުގައި ނުކުޅެދުންތެރިކަން ހުންނަ މީހުން ޝާމިލުކުރެވިފައިވާ މުޖުތަމަޢެއް ބިނާކުރުމަށް ރަށު ފެންވަރުގައި ކުރެވިދާނެ މަސައްކަތްތަކަށް ވަނީ އަލި އަޅުވާލެވިފައެވެ. އެއާއެކު، އެފަދަ ފަރާތްތަކުގެ ހާލަތު ދެނެގަތުމަށް ކުރެވޭ މަސައްކަތްތައް މިހާރަށްވުރެ ހަރުދަނާކުރުމަށްޓަކައި ރިހެޕް އާއި ގުޅުންހުރި މަޢުލޫމާތު ވަނީ ބައިވެރިންނަށް ފޯރުކޮށްދެވިފައެވެ.