މިނިސްޓަރ މާރިޔާ އެގްރިކަލްޗަރ މިނިސްޓްރީގެ އިސްވެރިންނާ ބައްދަލުކުރައްވައިފި
މިނިސްޓްރީ އޮފް އެގްރިކަލްޗަރ އެންޑް އެނިމަލް ވެލްފެއަރ ވަގުތީ ގޮތުން ހިންގެވުމާއި ހަވާލުވެ ވަޑައިގެންހުންނެވި މިނިސްޓަރ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓް، ޑރ. މަރްޔަމް މާރިޔާ، މިއަދު އެ މިނިސްޓްރީގެ އިސްވެރިންނާ ބައްދަލުކުރައްވައިފިއެވެ.
މި ބައްދަލުކުރެއްވުމުގައި މިނިސްޓަރ މާރިޔާ، މިނިސްޓްރީގެ މަސައްކަތްތަކާ ގުޅޭގޮތުން މަޢުލޫމާތު ހޯއްދަވައި، ކުރިއަށް ރާއްވަވާފައިވާ ކަންތައްތަކާ ބެހޭގޮތުން މަޝްވަރާކުރެއްވިއެވެ.
މިނިސްޓަރ މާރިޔާ އެގްރިކަލްޗަރ މިނިސްޓްރީ އާއި ވަގުތީގޮތުން ހިންގެވުމާ ހަވާލުވެ ވަޑައިގަތީ، ކުރީގެ މިނިސްޓަރ ޑރ. ޢާއިޝަތު ރަމީލާގެ ޞިއްޙީ ޙާލަތު ތަން ނުދިނުމާ ގުޅިގެން އެ އެކަމަނާ މަޤާމުން އިސްތިޢުފާ ދެއްވުމުންނެވެ. މިނިސްޓަރެއް އައްޔަންކުރައްވަންދެން މިނިސްޓްރީ ހިންގެވުމުގެ މައްސޫލިއްޔަތު އަދާކުރައްވާނީ މިނިސްޓަރ މާރިޔާ އެވެ.