ކެންގަރޫ ކިޑްސް - ބިލަބޮންގް ހައި އެމްއެމް އިންޓަނޭޝަނަލް ސްކޫލުގެ ދަރިވަރުން، ތިނަދޫ ފަޔަރ ސްޓޭޝަނަށް ޒިޔާރަތްކޮށްފި
ކެންގަރޫ ކިޑްސް - ބިލަބޮންގް ހައި އެމްއެމް އިންޓަނޭޝަނަލް ސްކޫލުގެ ދަރިވަރުން، އެމްއެންޑީއެފް ސަދަން އޭރިއާ ކޮމާންޑް، ތިނަދޫ ފަޔަރ ސްޓޭޝަނަށް ޒިޔާރަތްކޮށްފިއެވެ.
އިއްޔެ ކުރިއަށްދިޔަ މި ޒިޔާރަތުގައި އެ ސްކޫލުގެ 20 ދަރިވަރުން ވަނީ ބައިވެރިވެފައެވެ.
މި ޒިޔާރަތުގައި، އަލިފާނުގެ ހާދިސާތަކުން ރައްކާތެރިވުމާ ގުޅޭގޮތުން މަޢުލޫމާތުދީ، އަލިފާން ނިއްވުމުގައި ބޭނުންކުރާ ވަޞީލަތްތަކާއި އުޅަނދުތަކުގެ މަޢުލޫމާތާއި، އެ ތަކެތި ބޭނުންކުރާ ގޮތްތައް ވަނީ ދަރިވަރުންނަށް ދައްކާލާފައެވެ.