52 ހަފްތާ: މެރިކަލްޗަރ ކުރިއެރުވުމަށް ގިނަ މަސައްކަތްތަކެއް

މެރިކަލްޗަރ ޓްރެއިނިންގ

މެރިކަލްޗަރ އާލާކުރުމަށް ބޭނުންވާ "ހެޗަރީ"ތައް ގާއިމްކުރާނެ ގޮތާއި "އެކުއަކަލްޗަރ"ގެ ހުނަރުތައް ޒުވާނުންނަށް ދަސްކޮށްދިނުމުގެ ޕްރޮގްރާމެއް އެކުލަވާލައި 14 ބައިވެރިންނާއެކު 8 ފެބުރުވަރީ 2024 ގައި ފަށައި 21 ފެބްރުއަރީގައި ފުރަތަމަ ބެޗުގެ ތަމްރީން ވަނީ ފުރިހަމަ ކޮށްފައެވެ. މި ސިލްސިލާ ޕްރޮގްރާމުގެ 2ވަނަ ބެޗުވަނީ 14 ނޮވެމްބަރ 2024 ގައި ނިމިފައެވެ.

މެރިކަލްޗަރ ޒޯންތައް ކަނޑައެޅުން

ރާއްޖޭގައި މެރިކަލްޗަރގެ ވިޔަފާރިތައް ގާއިމުކުރުމަށްޓަކައި، ހެޗަރީތައް ބިނާކުރުމާއި ހެޗަރީގައި އުފައްދާ ބާވަތްތައް މޫދުގެ މާހައުލުގައި ބޮޑުކުރުމަށް، ފޮރިން އިންވެސްޓްމަންޓްތައް ހިމެނޭގޮތަށް އާންމުކޮށް ހުޅުވާލައިގެން މެރިކަލްޗަރ ތަރައްޤީކުރާނެ 4 ޒޯނެއް ކަނޑައަޅާފައިވެއެވެ. އަދި މާލެއަތޮޅު ދެކުނުން، ވާދޫ ކަނޑުއޮޅިން ފެށިގެން ގާތްގަނޑަކަށް 7 ކިލޯމީޓަރު ދެކުނުން އޮތް ޖުމްލަ 73 ހެކްޓަރުގެ ފަރުގެ ސަރަހައްދު އަކީ ކޮމާޝަލް ސްކޭލްއެއްގައި ފާނަ އާލާކުރުމުގެ މަސައްކަތް ހިންގުމަށް ހާއްސަކުރެވޭ މޫދުކޮށީގެ ސަރަހައްދެއްގެ ގޮތުގައި ވެސް ވަނީ ކަނޑައަޅާފައެވެ.

ގއ. މާނާގަލާގައި މަލްޓި ސްޕީޝީޒް ހެޗަރީއެއް ގާއިމްކުރުން

ޑިޒައިން ބިލްޑް ފައިނޭންސް އޮޕަރޭޓް އެންޑް ޓްރާންސްފަރ މޮޑެލްގެ ދަށުން ގއ. މާނާގަލާގައި މަލްޓި ސްޕީޝީޒް ހެޗަރީއެއް ޤާއިމްކުރުމުގެ މަސައްކަތުގެ ދުވެލި ލަސްވާ ސަބަބުތައް ދެނެގަނެ ޕްރޮޖެކްޓު ވީހާވެސް އަވަހަށް އޮޕަރޭޝަނަށް ގެންނަން ކުރަންޖެހޭ މަސައްކަތްތައް މިހާރުވަނީ ފަށާފައެވެ. މިޕްރޮޖެކްޓަކީ ދުބާއީގެ އަކުއަރ ބްރިޖް ގްރޫޕުން ކުރިއަށް ގެންދާ ޕްރޮޖެކްޓެކެވެ.