ކޮޕް29 ރިޔާސަތުން އިންތިޒާމްކޮށްގެން ބޭއްވި ފަތުރުވެރިކަމުގެ ދާއިރާގައި މޫސުމަށް އަންނަ ބަދަލުތަކާއި ދެކޮޅަށް ކުރާ މަސައްކަތްތައް ހަރުދަނާކުރުމާއި ގުޅޭ ބައްދަލުވުމުގައި މިނިސްޓަރ އޮފް ކްލައިމެޓް ޗޭންޖް، އެންވަޔަރަންމަންޓް އެންޑް އެނަރޖީ އޮނަރަބަލް ޠާރިޤު އިބްރާހީމް ބައިވެރިވެވަޑައިގަތުން
އ.ދ. ގެ މޫސުމަށް އަންނަ ބަދަލުތަކާގުޅޭ މުއާހަދާގެ 29 ވަނަ ބައްދަލުވުމުގެ (ކޮޕް29) ހަވާސާގައި، އެ ބައްދަލުވުމުގެ ރިޔާސަތުން އިންތިޒާމްކޮށްގެން ފަތުރުވެރިކަމުގެ ދާއިރާގައި މޫސުމަށް އަންނަ ބަދަލުތަކާއި ދެކޮޅަށް ކުރާ މަސައްކަތްތައް ހަރުދަނާކުރުމާއި ގުޅޭ މިނިސްޓީރިއަލް ބައްސަލުވުމުގައި މިނިސްޓަރ ޠާރިޤު އިބްރާހީމް ބައިވެރިވަޑައިގެން، މޫސުމަށް އަންނަ ބަދަލުތަކާ ދެކޮޅަށް ދެމެހެއްޓެނެވި ފަތުރުވެރިކަން ކުރިއަރުވާ ތަރައްގީކުރުމަށް ރާއްޖެއިން ކުރަމުންގެންދާ މަސައްކަތްތަކާ ގުޅޭ ގޮތުން ތަގުރީރުކުރެއްވިއެވެ.
މިނިސްޓަރ ޡާރިގް އިބްރާހިމް ވާހަކަފުޅު ދައްކަވަމުން ރާއްޖެއިން ފަތުރުވެރިކަމުގެ ދާއިރާގައި މޫސުމަށް އަންނަ ބަދަލުތަކަށް ހޭނުމަށް ކުރަމުންގެންދާ މަސައްކަތްތަކާއި ރާވާފައިވާ މަސައްކަތްތަކަށް އަލިއަޅުވާލެއްވެވިއެވެ. މިގޮތުން، ކަނޑޫފާފަދަ ކާބަން ހިފަހައްޓާ މާހައުލުތައް ރައްކާތެރިކުރުމާއި އާލާކުރުމަށް ރާއްޖެއިން ކުރަމުންގެންދާ މަސައްކަތްތައް ފާހަގަކުރެއްވިއެވެ. މީގެ އިތުރުން، ރާއްޖޭގެ ފަތުރުވެރިކަމުގެ ދާއިރާގާ ހަރަކާތްތެރިވާ ފަރާތްތަކާއި ރަށު ފެންވަރުގައި ކުރަމުންގެންދާ އެކި މަސައްކަތްތައް ވަޒީރު ފާހަގަކުރެއްވިއެވެ.
މިއަދު އިންތިޒާމުކޮށް ބޭއްވި ބައްދަލުވުމަކީ ކޮޕްގެ ހަވާސާގައި ފަތުރުވެރިކަމާ މޫސުމަށް އަންނަ ބަދަލުތަކާ ގުޅޭ ގޮތުން މިނިސްޓީރިއަލް ފެންވަރުގައި ބޭއްވި ފުރަތަމަ ބައްދަލުވުމެވެ.