މާލޭ ސަރަހައްދާއި ކ. އަތޮޅުގެ ސްކޫލުތަކުގައި މަސައްކަތްކުރައްވާ މިޑްލް މެނޭޖްމަންޓްގެ މުވައްޒަފުންނަށް އަމާޒުކޮށްގެން "ލީޑަރޝިޕް އެންހޭންސްމެންޓް ޓްރެއިނިންގ އޮފް ޓްރެއިނަރސް (ޓީއޯޓީ)" ވޯކްޝޮޕެއް ބާއްވައިފިއެވެ.
2 ދުވަހުގެ މުއްދަތަކަށް މާލޭގެ އިމާދުއްދީން ސްކޫލުގައި ބޭއްވި މި ވޯކްޝޮޕްގައި 28 ސްކޫލަކުން ޖުމްލަ 66 ބޭފުޅުން ބައިވެރިވިއެވެ.
ސްކޫލްތަކުގައި މަސައްކަތްކުރައްވާ މިޑްލް މޭނޭޖަރުންގެ ލީޑަރޝިޕް އަދި މެނޭޖްމަންޓް ހުނަރުތައް އިތުރަށް ތަރައްޤީކުރުމުގެ މަގުސަދުގައި ކުރިއަށްގެންދިޔަ މި މި ވޯކްޝޮޕްގެ ސެޝަންތައް ނަންގަވައިދެއްވީ މެލޭޝިޔާގެ ޚާއްޞަ ތަޖުރިބާކާރެއް ކަމުގައިވާ ޑރ. ބާލާސަންދްރަން ރާމިޔާއެވެ. މީގެ އިތުރުން، މިނިސްޓްރީ އޮފް އެޑިޔުކޭޝަންގެ ޕަރމަނަންޓް ސެކްރެޓަރީ ޝިފާޒް މުޙައްމަދު ވެސް ވަނީ ހާއްސަ ސެޝަނެއް ކުރިއަށް ގެންދަވާފައެވެ.
މި ޓީއޯޓީގެ މަގުސަދަކީ ބައިވެރިންނަށް އެމީހުންގެ ސްކޫލްތަކުގައި ތަމްރީނުދިނުމަށް ބޭނުންވާ ހުނަރުތަކާއި މަޢުލޫމާތު އަދި އެހީތެރިކަން ފޯރުކޮށްދިނުމެވެ.