52 ހަފްތާ: ބޮޑުކަންނެލި މަސްވެރިކަމަށް އައު ޕެކިންގ ފެސިލިޓީއެއް ގާއިމުކުރުން
ކަނޑުމަހުގެ މަސްވެރިކަމަށް ބޮޑު އިންވެސްޓުމެންޓުތައް ކުރިއަށް ގެންދާއިރު ބޮޑުކަންނެލި މަސްވެރިކަމަށް ވެސް ވުޒާރާއިން ދަނީ މުހިންމު ކަންކަން ރާވައި ތަންފީޒު ކުރަމުންނެވެ.
ބޮޑު ކަންނެލި މަސްވެރިކަމުގައި ދިމާވާ އެންމެ ބޮޑު ގޮންޖެހުމަކީ ޕެކިންގ ފެސިލިޓީއެއްގެ ޚިދުމަތް ނުލިބުމެވެ. މިކަމަށް ހައްލު ހޯދުމަށް ޓަކައި ޕެކިން ފެސިލިޓީއެއް އެޅުމަށް ހުޅުމާލެ ފޭސް އެކަކުން 20 ހާސް އަކަފޫޓުގެ ބިމެއް ރައީސް ޑރ. މުޢިއްޒު ވަނީ ކަނޑައަޅުއްވާފައެވެ.
އަދި އިސްލާމިކް ޑިވެލޮޕްމަންޓް ބޭންކުން ހިންގާ މަޝްރޫއުތަކުގެ ތެރެއިން މި ފެސިލިޓީ ބިނާކުރުމަށް ފަންޑު ވެސް ވަނީ ހަމަޖެހިފައެވެ. މަސްވެރި ވުޒާރާއިން މަސައްކަތް ކުރަނީ ވީ އެންމެ އަވަހަކަށް މި ފެސިލިޓީ ނިންމާ އޭގެ ފައިދާ ބޮޑުކަންނެލީގެ މަސައްކަތް ކުރާ ފަރާތްކަށް ލިބުމެވެ.