52 ހަފްތާ: ހަރަކާތްތެރި ހިންގުންތެރި ޑިސްއެބިލިޓީ ކައުންސިލުން ގިނަ މަސައްކަތްތަކެއް!

މީގެ އިތުރުން، ޑިސްއެބިލިޓީ ކައުންސިލްގެ މަސައްކަތްތަކަށް ބަލައިލާއިރު، ސްކޫލްތަކުގައި މިނިމަމް ސްޓޭންޑަރޑް ދެމެހެއްޓިފައިވާ މިންވަރު ދެނެގަތުމުގެ މަސައްކަތް ޑިސްއެބިލިޓީ ކައުންސިލްގެ ފަރާތުން އަންނަނީ ކުރަމުންނެވެ. މިގޮތުން ސްކޯ ޝީޓް ވަނީ ތައްޔާރުކުރެވިފައެވެ. އަދި އިމާރާތް އެޅުމުގައި ބޭނުންކުރާ މިނިމަމް ސްޓޭންޑަރޑްސް ހެދުމަށް ޑިސްއެބިލިޓީ ކައުންސިލްގެ ފަރާތުން ވަނީ ފަންނީ ލަފާ ފޯރުކޮށްދީފައެވެ.

އެއާއެކު، ވެބްސައިޓްތައް އަދި އީ-ފާސް އެކްސެސިބިލިޓީ އިތުރުކުރުމަށް މިނިމަމް ސްޓޭންޑަރޑްސް ތައްޔާރުކުރުމަށް އެން.ސީ.އައި.ޓީ އާއިއެކު މަޝްވަރާ ބައްދަލުވުންތައް ވަނީ ބޭއްވިފައެވެ. އަދި ހުށަހެޅޭ މައްސަލަތަކާއި ގުޅިގެން އެން.އެސް.ޕީ.އޭ އަދި ބެލެނިވެރިންނާއި އެކު ބައްދަލުވުންތައް ކައުންސިލްގެ ފަރާތުން އަންނަނީ ބާއްވަމުންނެވެ. މިގޮތުން މި އަހަރުގެ ތެރޭގައި 15 ބައްދަލުވުން ވަނީ ބޭއްވިފައެވެ.

އަދި ނުކުޅެދުންތެރިކަން ހުންނަ ފަރާތްތަކަށް ޚިދުމަތް ދިނުމުގައި އަމަލު ކުރާ މިންގަނޑުތައް ބަލައި ހޮސްޕިޓަލްތަކުގައި މިނިމަމް ސްޓޭންޑަރޑްސް ދެމެހެއްޓިފައިވާ މިންވަރު ބެލުމަށް ހުރިހާ އަތޮޅު ހޮސްޕިޓަލްތަކަކަށް ޒިޔާރަތް ކުރުމަށް ވަނީ ރޭވިފައެވެ. މީގެ އިތުރުން، ކ. ގުރައިދޫގައި ހުންނަ ޚާއްޞަ އެހީއެއް ބޭނުންވާ މީހުންގެ މަރުކަޒަށް ޒިޔާރަތްކޮށް އެތަނުގެ ހާލަތު ވަޒަންކޮށް މަރުކަޒުގެ ފެންވަރު ބެލުމަށް ވަނީ ރޭވިފައެވެ. އަދި ވަޒީފާއާއި ބެހޭ ޤާނޫނު ނުކުޅެދުންތެރިކަން ހުރި ފަރާތްތަކަށް އެކްސެސިބަލް ކުރުމަށް ވަނީ ރޭވިފައެވެ.