ފާއިތުވި 1 އަހަރު ތެރޭގައި ނޭޝަނަލް ސޯޝަލް ޕްރޮޓެކްޝަން އެޖެންސީ އަދި އާސަންދައިން ކޮށްފައިވާ މުހިންމު މަސައްކަތްތަކުގެ އުސްއަލިތައް

ފާއިތުވި 1 އަހަރު ތެރޭގައި ނޭޝަނަލް ސޯޝަލް ޕްރޮޓެކްޝަން އެޖެންސީ އަދި އާސަންދައިން ކޮށްފައިވާ މުހިންމު މަސައްކަތްތަކުގެ އުސްއަލިތައް

ފާއިތުވި 1 އަހަރު ތެރޭގައި ނޭޝަނަލް ސޯޝަލް ޕްރޮޓެކްޝަން އެޖެންސީ އަދި އާސަންދައިން ވަނީ މުހިންމު ގިނަ މަސައްކަތްތަކެއް ކޮށްފައެވެ. މިގޮތުން އެންޑޮމެޓްރިއޯސިސް' އަދި 'ޕީސީއޯއެސް' ފަދަ އަންހެނުންނަށް ދިމާވާ ޞިއްޙީ މައްސަލަތަކަށް ޚާއްޞަ ފަރުވާ، އާސަންދަ މެދުވެރިކޮށް ލިބޭނެ އިންތިޒާމު ވަނީ ހަމަޖައްސައިދީފައެވެ. އަދި މިކަމާ ގުޅޭ ފަރުވާގެ ނިޒާމު ސަރުކާރު ހޮސްޕިޓަލްތަކުގައި ވަނީ އިތުރަށް ހަރުދަނާކުރެވިފައެވެ.

އޭގެ އިތުރުން، އާސަންދަ ހިންގުމުގެ ގަވާއިދު އިޞްލާޙު ކުރުމަށްފަހު، އާސަންދަ ސްކީމުން ފަރުވާ ލިބޭގޮތަށް ވަނީ ހަމަޖެހިފައެވެ. އަދި، އާސަންދަ ސްކީމުން އިތުރު ޚިދުމަތް ފޯރުކޮށްދިނުމާ ގުޅޭ އުސޫލު ވަނީ ގެޒެޓްކުރެވިފައެވެ.

އަދި އެންޑޯމެޓްރިއޯސިސް އަށް ޚާއްސަ ކްލިނިކްއެއް އައިޖީއެމްއެޗްގައި ފެށުމާ ގުޅޭގޮތުން އަދާހަމަ ހޯދުމުގެ މަސައްކަތް ދަނީ ކުރަމުންނެވެ. މީގެ އިތުރުން، ބޭރުގެ ޤައުމުތަކުގައި ހޮސްޕިޓަލް ބަދަލުކުރަން ނަގާ ފީ އާސަންދައިން ކަށަވަރުވާގޮތް ހެދުމުގެ މަސައްކަތްތަކުގެ ތެރެއިން، އާސަންދަ ސްކީމްގައި ރަޖިސްޓްރީ ކުރެވިފައިވާ ބޭރުގެ ހޮސްޕިޓަލްތަކުގެ ފެންވަރު ވަޒަންކުރާނެ ގްރޭޑިންގ ނިޒާމެއް ކަނޑައަޅައި ގްރޭޑިންއާ އެއްގޮތްވާ ގޮތުގެ މަތީން، ރާއްޖެއިން ބޭރުން ފަރުވާކުރުމަށް ސްކީމުން ކަނޑައަޅާ ހޮސްޕިޓަލު ބަދަލުކުރުމަށް (ބަލިމީހާ ބޭނުންވާ ޙާލަތުގައި) ބަލިމީހާ އަތުން އިތުރު ޚަރަދަކާ ނުލައި ހޮސްޕިޓާ ބަދަލުކުރެވޭނެ އިންތިޒާމު ވަނީ ހަމަޖެއްސިފައެވެ.

ހަމައެއާއެކު، އާސަންދައިގެ ދަށުން ކޮންމެ 2 އަހަރަކުން އެއްފަހަރު މެޑިކަލް ޗެކަޕް ހެދޭނެގޮތް ވަނީ ތަޢާރަފްކުރެވިފައެވެ. އާސަންދަ ސްކީމް މެދުވެރިކޮށް ކަނޑައެޅޭ ވަކި އުސޫލެއްގެ ދަށުން، ދިވެހި ކޮންމެ ރައްޔިތަކަށް އަހަރަކު 2 ފަހަރު މެޑިކަލް ޗެކަޕް ހެދުމަށް ވަނީ ހުޅުވާލެވިފައެވެ. އަދި އެކިއެކި އުމުރުފުރާތަކަށް ޚާއްސަ ޕެކޭޖްތައް އެކުލަވައިލައި މިނިސްޓްރީ އޮފް ހެލްތު އަދި ޞިއްޙީ މާހިރުންގެ ލަފާފުޅާ އެއްގޮތަށް ޕެކޭޖްތައް ވަނީ ފައިނަލް ކުރެވިފައެވެ.

މީގެ އިތުރުން، އާސަންދަ ސްކީމުން އިތުރު ޚިދުމަތް ފޯރުކޮށްދިނުމާ ގުޅޭ އުސޫލު ވަނީ ގެޒެޓްކުރެވިފައެވެ. އަދި 55 އަހަރުން މަތީގެ ފަރާތްތަކަށް މެޑިކަލް ޗެކަޕް ހެދޭނެ އިންތިޒާމް މިހާރު ވަނީ ހަމަޖެހިފައެވެ. 2024 ގައި އުމުރުން 35 އަހަރުން މަތީގެ ފަރާތްތަކާއި، ސްކޫލް ކުދިންގެ ހެލްތް ސްކްރީނިންގެ ފެށުމަށް ވެސް ވަނީ ރާވާފައެވެ. އެއާއެކު، 19 އަހަރުން މަތީގެ ފަރާތްތަކުގެ ޕެކޭޖްތައްވެސް ފައިނަލް ކުރެވި އާސަންދަ ޕޯޓަލްގައި ހިމެނުމުގެ އިތުރުން، މި އުމުރުފުރާއަށް ހުޅުވާލުމަށް ވަނީ ރާވާފައެވެ.

ދަރިމައިވުމުގައި ދަތިތަކާ ކުރިމަތިލާންޖެހޭ ޢާއިލާތަކަށް ޙާއްޞަ ކުރެވިގެން އެންމެ ރަނގަޅު ފަރުވާ ދެވޭނެ ޞިއްޙީ ޚިދުމަތްތައް ރާއްޖޭގައި ތަޢާރަފުކުރުމުގެ ގިނަ މަސައްކަތްތަކެއް ވެސް ފާއިތުވި 1 އަހަރު ތެރޭގައި ވަނީ ކުރެވިފައެވެ. މިގޮތުން އައިވީއެފް ޓްރީޓްމަންޓް' ހިމެނޭހެން ދަރިމައިވުމާގުޅޭ ފަރުވާގެ ޚިދުމަތްތައް، އާސަންދަ މެދުވެރިކޮށް ލިބޭނެ އިންތިޒާމު ހަމަޖައްސައިދިނުން މި މަސައްކަތުގެ ތެރޭގައި ހިމެނެއެވެ.

އަދި އާސަންދަ ސްކީމްގެ ތެރެއިން ލިބިނުދެވޭ ޚިދުމަތްތަކުގެ ދަށުން އިންފަރޓިލިޓީ އުނިކޮށް، ދަރިން ނުލިބޭ މީހުން ދަރިން ހޯދުމަށް ކުރާ ފަރުވާ އިސްތިސްނާ ނުވާނެހެން، އާސަންދަ ސްކީމް ހިންގުމުގެ ގަވާއިދު ވަނީ އިސްލާހުކުރެވި، ގަވާއިދުގައި ބަޔާންކޮށްފައިވާ ގޮތުގެ މަތިން، މި ޚިދުމަތް ފޯރުކޮށްދޭން ފެށިފައެވެ.