ރަސްމީ ދަތުރުފުޅެއްގައި މިނިސްޓްރީގެ ވަފުދެއް ސްރީލަންކާއަށް ޒިޔާރަތްކޮށްފިއެވެ.
މި ވަފުދުގައި ހިމެނެނީ ޕަރމަނަންޓް ސެކްރެޓަރީ ޝިފާޒް މުޙައްމަދު އަދި އެޑިޔުކޭޝަން ޑިވެލޮޕްމަންޓް ޕްރޮފެޝަނަލް ޢަބްދުﷲ އިސްމާޢީލްއެވެ.
މި ބޭފުޅުން ވަނީ ލަންކާގެ ނޭޝަނަލް އިންސްޓިޓިއުޓް އޮފް އެޑިޔުކޭޝަނުގެ ފެކަލްޓީ އޮފް އެޑިޔުކޭޝަން ލީޑަރޝިޕް، ޑިވެލޮޕްމަންޓް އެންޑް މެނޭޖްމަންޓްގެ ޑިރެކްޓަރ ޖެނެރަލް، ޕްރޮފެސަރ ޕްރަސާދް ސެތުންގާއާ ބައްދަލުކުރައްވާފައެވެ. މި ބައްދަލުކުރެއްވުމުގައި ލަންކާއިން ދިވެހިރާއްޖޭގެ ޕްރިންސިޕަލުންނާއި މުދައްރިސުންނަށް ތަމްރީނު ޕްރޮގްރާމްތަކުގެ ފުރުޞަތު ފަހިކުރުމާ ގުޅޭ ގޮތުން ވަނީ މަޝްވަރާކުރެވިފައެވެ.
މީގެ އިތުރުން ލަންކާގެ އެކި ކޮލެޖްތަކާއި ސްކޫލުތަކަށް ޒިޔާރަތްކުރައްވާ، މުހިންމު މަޝްވަރާތައް ވަނީ ކުރިއަށްގެންގޮސްފައެވެ.