ފާއިތުވި 1 އަހަރު ދުވަސް: ވުޒާރާގެ ދަށުން، ރައްކާތެރިކަން ކަށަވަރުކޮށްދިނުމަށް ޤާއިމްކޮށްގައިވާ މަރުކަޒުތައް ސްޕެޝަލައިޒްކޮށް ކެޓަގަރައިޒްކުރުން
އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާއިން ދ. ކުޑަހުވަދޫގައި އަމާންވެށި ޤާއިމުކުރުމުގެ ގޮތުން އެ ރަށުގައި ހުރި އަމާންހިޔާ އިމާރާތަށް ބޭނުންވާ މަރާމާތުކުރުމުގެ މަސައްކަތްތައް އަންނަނީ ކުރަމުންނެވެ. އަދި ދ. އަމާންވެށީގައި މަސައްކަތް ކުރާ މުވައްޒަފުންވެސް ވަނީ ތަމްރީނު ކުރެވިފައެވެ. މީގެ އިތުރުން، ފިޔަވަތީގައި ބަލަހައްޓަމުންދާ 05 އަހަރާއި 10 އަހަރުގެ ފިރިހެން ކުދިންގެ ތެރެއިން 10 ކުދިން ދ. އަމާންވެއްޓަށް ވަނީ ބަދަލުކުރެވިފައެވެ.
ކުދިން ބަލަހައްޓާ މަރުކަޒުތަކުގެ މަރާމާތުގެ މަސައްކަތްތަކަށް ބަލައިލާއިރު، ހއ. އަތޮޅުގައި ޤާއިމުކުރެވިފައިވާ އަމާންވެށީގެ މަރާމާތުގެ މަސައްކަތް އަންނަނީ ކުރެވެމުންނެވެ.
އެއާއެކު، ފ. ނިލަންދޫގައި އެފް.ސީ.އެސް.ސީ އިމާރާތް އެޅުމުގެ މަސައްކަތް މިހާރު އަންނަނީ ކުރެވެމުންނެވެ. މިއަހަރުގެ ތެރޭގައި ޒަމާނީ ފެންވަރުގެ އަމާންވެއްޓެއް ޤާއިމްކުރެވި، ތަފާތު ޚިދުމަތްތައް ލިބިގެންދާނޭހެން މަސައްކަތް ފެށިގެންދާނެއެވެ.
ހަމައެހެންމެ، ރައްކާތެރިކަން ފޯރުކޮށްދިނުމަށް ޤާއިމްކުރެވިފައިވާ މަރުކަޒުތައް ސްޕެޝަލައިޒްކޮށް ކެޓަގަރައިޒްކުރުމުގެ މަސައްކަތްތައް އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާއިން އަންނަނީ ކުރަމުންނެވެ. މި މަސައްކަތުގެ މައިގަނޑު މަޤުޞަދަކީ އަމާންވެށިތައް ކެޓަގަރައިޒްކޮށް، އެތަންތަނުން ކުދިންނަށް ދެވޭ ޚިދުމަތްތައް އެންމެ ފުރިހަމަ ގޮތުގައި ފޯރުކޮށްދިނުމެވެ. މިކަމުގެ ސަބަބުން ކުޑަކުދިންނަށް ލިބޭ އަޅާލުމާއި ރައްކާތެރިކަން އިތުރުވެ، އެކުދިންގެ ޖިސްމާނީ އަދި ނަފްސާނީ ދުޅަހެޔޮކަން ކުރިއެރުވޭނެއެވެ.
މި މަސައްކަތުގެ ތެރޭގައި އަމާންވެށިތައް އެކި ބައިތަކަށް ބަހާލައި، ކޮންމެ ބަޔަކުން ފޯރުކޮށްދޭންޖެހޭ ޚިދުމަތްތައް ދެނެގަނެ، އެ ޚިދުމަތްތައް އެންމެ އެކަށީގެންވާ ގޮތުގައި ދިނުމަށް ބޭނުންވާ ވަސީލަތްތަކާއި އިންތިޒާމުތައް ހަމަޖެއްސުން ހިމެނެއެވެ. މީގެ އިތުރުން، އަމާންވެށިތަކުގައި މަސައްކަތްކުރާ މުވައްޒަފުންނަށް ބޭނުންވާ ތަމްރީނުތައް ދިނުމާއި، ޚިދުމަތުގެ ފެންވަރު ބެލުމަށް ޚާއްޞަ ނިޒާމެއް ޤާއިމުކުރުންވެސް މި މަސައްކަތުގެ ތެރޭގައި ހިމެނެއެވެ. ނަތީޖާއެއްގެ ގޮތުން، ކުޑަކުދިންނަށް ލިބޭ ޚިދުމަތްތަކުގެ ފެންވަރު މަތިވެ، ކުދިންގެ ތަރައްޤީއަށް މަގުފަހިވެގެންދާނެއެވެ.