ފާއިތުވި 52 ހަފުތާގެ ތެރޭގައި ހޯދި ކާމިޔާބީތަކާ ގުޅޭގޮތުން 4 ދުވަހަށް ބަހާލައިގެން ބާއްވާ ސެމިނަރ ސީރީސް މިއަދު ފެށިއްޖެ
މޫސުމީ ބަދަލުތަކާ ތިމާވެއްޓާ ހަކަތައާއި ބެހޭ ވުޒާރާއިން ފާއިތުވި 52 ހަފުތާގެ ތެރޭގައި ހޯދި ކާމިޔާބީތަކާ ގުޅޭގޮތުން 4 ދުވަހަށް ބަހާލައިގެން ބާއްވާ ސެމިނަރ ސީރީސްއެއް މިއަދު ފަށައިފިއެވެ.
މިއަދު ފެށުނު ސެމިނަރ ސީރީސްގެ ފުރަތަމަ ދުވަހު އަލިއަޅުވާލާފައިވަނީ ކުނި މެނޭޖުކުރުމުގެ ދާއިރާއަށެވެ. މި ދާއިރާއިން ކުރެވެމުންދާ މަސައްކަތްތަކާ ގުޅޭގޮތުން ޕްރެސެންޓޭޝަނަކާއި ޕެނަލް ޑިސްކަޝަނެއް ކުރިއަށް ގެންގޮސްފައިވެއެވެ.
މިނިސްޓްރީން މަޢުލޫމާތު ދެއްވިގޮތުގައި، މި ސެމިނަރ ސީރީސްގެ މަޤްޞަދަކީ ފާއިތުވި އަހަރު ތެރޭގައި ތިމާވެށީގެ ދާއިރާއިން ހާސިލުކުރެވުނު ކާމިޔާބީތައް ހިއްސާކޮށް، ކުރިއަށް އޮތް ތަނުގައި ކުރަން ހުރި މަސައްކަތްތަކާ މެދު މަޝްވަރާކުރުމެވެ.
މި ސެމިނަރ ސީރީސް ކުރިއަށްދާނީ ޖުމްލަ 4 ދުވަހުގެ މައްޗަށެވެ. ކޮންމެ ދުވަހަކުވެސް ތިމާވެށީގެ ދާއިރާގެ ވަކި ދާއިރާއަކަށް އަމާޒުކޮށްގެން މަޢުލޫމާތު ހިއްސާކުރެވޭނެ ކަމަށް މިނިސްޓްރީން ބުނެފައިވެއެވެ.
މި ސެމިނަރ ސީރީސްގައި ތިމާވެށީގެ ދާއިރާގެ އިސް ފަރާތްތަކާއި މާހިރުން ބައިވެރިވެ ވަޑައިގަންނަވާ ކަމަށް މިނިސްޓްރީން ހާމަކުރެއްވިއެވެ. އަދި މި ސެމިނަރ ސީރީސްއިން ތިމާވެށި ރައްކާތެރިކުރުމަށް ކުރެވޭ މަސައްކަތްތައް އިތުރަށް ހަރުދަނާކުރުމަށް މަގުފަހިވާނެ ކަމަށް އުންމީދުކުރެވެއެވެ.
މި ސެމިނަރ އަޑުއެއްސެވުމަށް ވަޑައިގެންދެއްވުމަށް އެދި އެކިއެކި އޮފީސްތަކަށާ އަދި އާންމުންނަށް ވަނީ ހުޅުވާލާފައެވެ.