މޫސުން

ރާއްޖޭގެ ސަރަހައްދުގައި ހުޅަނގު މޫސުން ނިމި އިރުވައި މޫސުން ފެށޭދުވަސްވަރާއި ދިމާކޮށް މިސަރަހައްދުގައި އުފެދިފައިވާ ލޯ ލެވަލް ސާރކިއުލޭޝަންއަކާއި ގުޅިގެން ރާއްޖެ އަށް ކުރަމުން މިދާ ވިއްސާރައިގައި ވޭތުވެދިޔަ 24 ގަޑިއިރު ރާއްޖޭގެ ބޮޑުބަޔަކަށް ވިއްސާރަކޮށް ބައެއް ރަށްތަކަށް ބޯކޮށް ވާރޭވެހިފައިވެއެވެ. އެގޮތުން އެންމެ ގިނައިން ވާރޭ ވެހުނުކަމަށް ރިކޯޑް ކުރެވުނީ އައްޑޫ ސިޓީގެ ހިތަދޫއަށް 110 މިލިމީޓަރުގެ ވާރޭއެވެ. މި ވިއްސާރަ ކުރިޔަށް އޮތް 3 ދުވަހުވެސް ރާއްޖެ ބޮޑު ސަރަހައްދުގެ ބައެއްރަށްތަކަށް ބޯކޮށް ވާރޭވެހި ގުގުރާނެކަމަށް ލަފާކުރެވެއެވެ.

ބޯކޮށް ވާރޭވެހޭނެކަމަށް ލަފާކުރެވޭތީ ހުރިހާ ފަރާތްތަކުންވެސް މޫސުމަށް ސަމާލުވެލެއްވުމަށް މޯލްޑިވްސް މީޓިއޮރޮޖިކަލް ސަރވިސް އިން އިލްތިމާސްކުރައްވައެވެ.