މި ސަރުކާރުގެ ވޭތުވެދިޔަ 52 ހަފްތާގައި ހޯދާފައިވާ ކާމީޔާބީގައި، މިނިސްޓްރީގެ ސިވިލް ސާރވިސް މުވައްޒަފުން އަދާކޮށްފައިވާ ދައުރު ފާހަގަކޮށް އެ ފަރާތްތަކުގެ އަގުވަޒަންކޮށްފި އެވެ.
މުވައްޒަފުންގެ އަގުވަޒަންކޮށް ޝުކުރުއަދާކުރުމުގެ ގޮތުން މިނިސްޓްރީގައި މިއަދާއި އިއްޔެ ވަނީ ޚާއްޞަ ރަސްމިއްޔާތެއް ބާއްވާފައެވެ. މި ރަސްމިއްޔާތުގައި ރައީސުލްޖުމުހޫރިއްޔާގެ އަނބިކަނބަލުން މެޑަމް ސާޖިދާ މުހައްމަދު އަދި ސިވިލް ސަރވިސް ކޮމިޝަންގެ ނާއިބް ރައީސް، އިބްރަހީމް ރަޝީދު ބައިވެރިވަޑައިގެންނެވި އެވެ.
މި ރަސްމިއްޔާތުގައި މިނިސްޓަރ އޮފް ހެލްތު އަބުދުﷲ ނާޒިމް އިބްރާހީމް ދެއްކެވި ވާހަކަފުޅުގައި ވަނީ ޞީއްޙީ ދާއިރާގައި ކުރެވުނު ކަންކަމުގައި އަދި ކުރިއަށް ތަކުގައިވެސް ހާސިލްކުރަން ބޭނުންވާ ކަންކަމުގައި ސިވިލް މުވައްޒަފުންގެ މުހިންމުކަން ފާހަގަކުރައްވާފައެވެ.
މި ރަސްމިއްޔާތުގައި ސިވިލް މުވައްޒަފުންނަށް ވަނީ އެ ފަރާތްތަކުގެ އަގުވަޒަންކޮށް ޝުކުރުއަދާކުރުމުގެ ގޮތުން ޚާއްޞަ ބެޖެއް ޙަވާލުކޮށްފައެވެ. މުުވައްޒަފުންނާއި މިބެޖް ޙަވާލުކޮށްދެއްވީ ރައީސުލްޖުމުހޫރިއްޔާގެ އަނބިކަނބަލުން މެޑަމް ސާޖިދާ މުހައްމަދު އެވެ.
މީގެ އިތުރުން ޚާއްޞަ ކޭކެއްވެސް ވަނީ ފަޅާފައެވެ. ކޭކު ފެޅުމުގެ ޝަރަފު އަރުވާފައިވަނީ މިނިސްޓްރީގައި މިވަގުތު އެންމެ ގިނަދުވަހު މަސައްކަތް ކޮށްފައިވާ 2 މުވައްޒަފަކަށެވެ.
މި ރަސްމިއްާޔާތުގައި ސިވިލް މުވައްޒަފުންނާއި މިނިސްޓްރީގެ އިިސްބޭފުޅުން ބައިވެރިވަޑައިގެނެނެވިއެވެ.