ހަކުރުބަލީގެ ދުވަސް ފާހަގަކުރުމަށް ހިންގި ހަރަކާތްތަކުގައި އެމްއެންޑީއެފް މާލޭ އޭރިއާ ކޮމާންޑުން ބައިވެރިވެއްޖެ

ހުޅުމާލެ ހޮސްޕިޓަލުން އިންތިޒާމުކޮށްގެން ދުނިޔޭގެ ހަކުރުބަލީގެ ދުވަސް ފާހަގަކުރުމަށް މިއަދު ހުޅުމާލޭގައި ކުރިއަށްގެންދިޔަ ހަރަކާތްތަކުގައި އެމްއެންޑީއެފް މާލޭ އޭރިއާ ކޮމާންޑް، ހުޅުލެ ޕޯސްޓުގެ ސިފައިން ބައިވެރިވެއްޖެއެވެ.

ހުޅުމާލޭ މުއައްސަސާތަކުގެ މުވައްޒަފުންނަށް އަމާޒުކޮށްގެން ކުރިއަށްގެންދިޔަ ހަރަކާތްތަކުގައި އެމްއެންޑީއެފް މާލޭ އޭރިއާ ކޮމާންޑް، ހުޅުލެ ޕޯސްޓުގެ ސިފައިންގެ އިތުރުން، މޯލްޑިވްސް ޕޯޓްސް ލިމިޓެޑް، ހުޅުމާލެ ޕޮލިސް، އެމްޓީސީސީ، ވެމްކޯ، އެޗްޕީއޭ، އެސްޓީއޯ އަދި ހުޅުމާލޭ ހޮސްޕިޓަލުގެ މުވައްޒަފުން ހިމެނޭހެން 100 އަށް ވުރެ މުވައްޒަފުން ބައިވެރިވިއެވެ.

ދުޅަހެޔޮ ދިރިއުޅުމަކަށް މަގުދައްކައިދީ އަހުލުވެރިކުރުވުމަށް، ކުރިއަށްގެންދިޔަ ހަރަކާތްތަކުގައި ޓީމް ބިލްޑިންގއާ ގުޅޭ ގިނަ ކުޅިވަރުތަކެއް ވަނީ ކުރިއަށްގެންގޮސްފައެވެ.

މި ކުޅިވަރުތައް ހިންގުމުގައި ހަރަކާތްތެރިވެފައިވަނީ އެމްއެންޑީއެފް މާލޭ އޭރިއާ ކޮމާންޑް، ހުޅުލެ ޕޯސްޓުގެ މުދައްރިބުންނެވެ.