"2040 ވަނަ އަހަރާ ހަމައަށް ތަރައްޤީވެފައިވާ ޤައުމަކަށް" ގެ ނަމުގައި ފޮތެއް ނެރެފި
އިޤްތިޞާދީ ތަރައްޤީއާއި ވިޔަފާރިޔާ ބެހޭ ވުޒާރާއިން "2040 ވަނަ އަހަރާ ހަމައަށް ތަރައްޤީވެފައިވާ ޤައުމަކަށް" ގެ ނަމުގައި ފޮތެއް ނެރެފިއެވެ. މި ރަސްމިޔާތު ޝަރަފްވެރި ކޮށްދެއްވީ އިޤްތިޞާދީ ތަރައްޤީއާއި ވިޔަފާރިޔާ ބެހޭ ވަޒީރު މުޙައްމަދު ސަޢީދުއެވެ.
މި ފޮތަކީ ދިވެހިރާއްޖޭގެ މުސްތަޤުބަލުގެ ތަރައްޤީއަށް މަގުދައްކައިދޭ މުހިންމު މަސައްކަތެކެވެ. މި ފޮތުގައި ފާއިތުވި އަހަރު ހާސިލުކުރެވުނު ކަންތައްތައް ފާހަގަކޮށް، ކުރިއަށް އޮތް އަހަރުތަކުގައި ޤައުމު ތަރައްޤީކުރުމަށް ކުރަންޖެހޭ މަސައްކަތްތަކުގެ ޗާޓެއް ކުރަހާލާފައިވެއެވެ. މީގެ އިތުރުން، ދިވެހިރާއްޖޭގެ ކުރިއެރުމާއި ފާގަތިކަމުގެ ބިންގާ އެޅުމަށް ބޭނުންވާ މުހިންމު މަޢުލޫމާތު ވެސް މިފޮތުގައި ހިމަނާފައިވެއެވެ.
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ވިސްނުންފުޅާ އެއްގޮތަށް ތައްޔާރުކޮށްފައިވާ މި ފޮތަކީ، ވަރުގަދަ އިޤްތިޞާދަކާ ދިމާއަށް ދިވެހިރާއްޖެ ގެންދިއުމަށް މަގުދައްކައިދޭ ތަޞައްވުރެކެވެ.