ދުނިޔޭގެ ފެންވަރުގެ ފައިނޭންޝަލް ހަބެއް އެޅުމަށް ގަތަރުގެ ފައިނޭންޝަލް ސެންޓަރާއި އެކު ރާއްޖެއިން އެއްބަސްވުމެއްގައިވަނީ ސޮއިކުރެވިފައި
ރާއްޖޭގައި ދުނިޔޭގެ ފެންވަރުގެ މާލީ ސެންޓަރެއް އުފެއްދުމަށް ކުރެވެމުންދާ މަސައްކަތްތަކުގެ ތެރެއިން އިގްތިޞާދީ ތަރައްގީއާއި ވިޔަފާރިއާ ބެހޭ ވުޒާރާއިން ގަތަރުގެ ފައިނޭންޝަލް ސެންޓަރު (ކިއުއެފްސީ)އާ އެކު އެއްބަސްވުމެއްގައިވަނީ ސޮއިކުރެވިފައެވެ.
މި އެއްބަސްވުގެ ދަށުން ދެ ގައުމުގެ މެދުގައި އިގްތިޞާދީ މަޢުލޫމާތު ބަދަލުކުރުމަށް މަގުފަހިވާނެ ކަމަށާއި، ކިއު.އެފް.ސީން ފައިނޭންޝަލް މެނޭޖްމަންޓާއި ރެގިއުލޭޓަރީ ފްރޭމްވޯކްސް އަދި އޮޕަރޭޝަނަލް ސްޓްރެޓެޖީތަކުގެ ތަޖުރިބާ ދިވެހިރާއްޖެއާއި ހިއްސާ ކުރެވިގެންދާނެއެވެ. މި ޕާޓްނަރޝިޕަކީ ރާއްޖޭގައި ދެމެހެއްޓެނިވި މާލީ އިކޯސިސްޓަމެއް ބިނާކުރުމަށް ރައީސް ޑރ. މުޙައްމަދު މުއިއްޒުގެ ތަސައްވުރާ އެއްގޮތަށް ވެވުނު އެއްބަސްވުމެކެވެ.