ކޮއްކޮމެން ޕްރީސްކޫލުގެ ދަރިވަރުން ކޯސްޓްގާޑު ޝިޕް ޝަހީދު ޢަލީއަށް ޒިޔާރަތްކޮށްފި

މާލޭގައި ހުންނަ ކޮއްކޮމެން ޕްރީސްކޫލުގެ ދަރިވަރުން، އެމްއެންޑީއެފް ކޯސްޑްގާޑު ޝިޕް ޝަހީދު ޢަލީއަށް ޒިޔާރަތްކޮށްފިއެވެ.

ކޮއްކޮމެން ޕްރީސްކޫލުގެ ދަރިވަރުން، ކޯސްޑްގާޑު ޝިޕް ޝަހީދު ޢަލީއަށް ނޮވެންބަރު 7 ވަނަ ދުވަހު ކުރި ޒިޔާރަތުގައި، އެ ސްކޫލުގެ 42 ދަރިވަރުންނާއި 16 މުދައްރިސުން ބައިވެރިވިއެވެ.

މި ޒިޔާރަތުގައި، ދަރިވަރުންނަށް ކަނޑުމަތީގެ ސަލާމަތްތެރިކަމާއި، ކޯސްޓްގާޑުގެ ދައުރާއި މަސްޢޫލިއްޔަތާ ބެހޭ މަޢުލޫމާތުގެ އިތުރުން ކޯސްޓްގާޑު ޝިޕުގައި ބޭނުންކުރާ ބައެއް ވަޞީލަތްތަކުގެ މަޢުލޫމާތު ވަނީ ފޯރުކޮށްދީފައެވެ. ދަރިވަރުންނަށް މަޢުލޫމާތު ފޯރުކޮށްދިނީ ކޯސްޓްގާޑު ޝިޕް ޝަހީދު ޢަލީގައި މަސައްކަތް ކުރަމުންދާ ސިފައިންނެވެ.