މުޙައްމަދު ޤާސިމް ޕްރީސްކޫލުގެ ދަރިވަރުން ކޯސްޓްގާޑު ޝިޕް ޝަހީދު ޢަލީއަށް ޒިޔާރަތްކޮށްފި

ހުޅުމާލޭގައި ހުންނަ މުޙައްމަދު ޤާސިމް ޕްރީސްކޫލުގެ ސްޓަރ ދަރިވަރުން، އެމްއެންޑީއެފް ކޯސްޑްގާޑު ޝިޕް ޝަހީދު ޢަލީއަށް ޒިޔާރަތްކޮށްފިއެވެ.

މުޙައްމަދު ޤާސިމް ޕްރީސްކޫލުގެ ސްޓަރ ދަރިވަރުން، ކޯސްޑްގާޑު ޝިޕް ޝަހީދު ޢަލީއަށް އޮކްޓޫބަރު 27 ވަނަ ދުވަހު ކުރި ޒިޔާރަތުގައި، އެ ސްކޫލުގެ 51 ދަރިވަރުންނާއި 14 މުދައްރިސުން ބައިވެރިވިއެވެ.

މި ޒިޔާރަތުގައި، ދަރިވަރުންނަށް ކަނޑުމަތީގެ ސަލާމަތްތެރިކަމާއި، ކޯސްޓްގާޑުގެ ދައުރާއި މަސްޢޫލިއްޔަތާ ބެހޭ މަޢުލޫމާތުގެ އިތުރުން ކޯސްޓްގާޑު ޝިޕުގައި ބޭނުންކުރާ ބައެއް ވަޞީލަތްތަކުގެ މަޢުލޫމާތު ވަނީ ފޯރުކޮށްދީފައެވެ. ދަރިވަރުންނަށް މަޢުލޫމާތު ފޯރުކޮށްދިނީ ކޯސްޓްގާޑު ޝިޕް ޝަހީދު ޢަލީގައި މަސައްކަތް ކުރަމުންދާ ސިފައިންނެވެ.