"ހަފްތާ ރެސް" މިފަހަރު ގދ ގައި
މިނިސްޓްރީ އޮފް ޔޫތް އެމްޕަވަރމެންޓް، އިންފޮމޭޝަން އެންޑް އާޓްސް އާއި ނޭޝަނަލް ކައުންޓަރ ޓެރަރިޒަމް ސެންޓަރާ ގުޅިގެން ކުރިއަށްގެންދާ "ހަފުތާރެސް" ޕްރޮގްރާމް ގދ އަތޮޅުގައި ބާއްވަން ނިންމައިފިއެވެ.
ގދގެ ހުރިހާ ރަށަކުން ވެސް މި ޕްރޮގްރާމުގައި ބައިވެރިވުމަށް ހަމަޖެހިފައިވާއިރު މި ޕްރޮގުރާމު ފެށުމަށް ހަމަޖެހިފައިވަނީ މިމަހު 11 ދުވަހުއެވެ.
ހަ ދުވަހުގެ މުއްދަތަށް ކުރިއަށްގެންދާ މި ޕްރޮގްރާމަކީ މި މިނިސްޓްރީ އާއި އެން.ސީ.ޓީ.ސީ ގުޅިގެން މިއަހަރު ހިންގާ " ހަފުތާރެސް" ގެ ތިން ވަނަ ޕްރޮގްރާމެވެ.
މި އަހަރުގެ ފުރަތަމަ ޕްރޮގްރާމް ބާއްވާފައިވަނީ މި އަހަރުގެ ކުރީކޮޅު އައްޑޫ ސިޓީގައެވެ. ދެވަނަ ޕްރޮގުރާމު ބާއްވާފައިވަނީ ހދ އަތޮޅުގައެވެ.