މީހުން ދިރިއުޅޭ ހުރިހާ ރަށަކަށް ބީ.އެލް.އެލްއިން އޭ.ޓީ.އެމް ޚިދުމަތް ފޯރުކޮށްދިނުން
މާލީ މުހިންމު ހުރިހާ ޚިދްމަތްތަކެއް އެއްތަނަކުން ލިބޭނެފަދަ އިންތިޒާމެއް، ރާއްޖޭގެ މީހުންދިރިއުޅޭ ކޮންމެ ރަށެއްގައި ޤާއިމުކުރުމަށް ސަރުކާރުން ކަނޑައަޅާފައިވާ ސިޔާސަތުގެ ދަށުން، ދިވެހިރާއްޖޭގެ މީހުންދިރިއުޅޭ ހުރިހާ ރަށެއްގައި އޭޓީއެމް ބަހައްޓައި އޭޓީއެމްގެ ޚިދްމަތްތައް ފޯރުކޮށްދިނުމަށްޓަކައި މިނިސްޓްރީ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑް އާއި ބޭންކް އޮފް މޯލްޑިވްސްއާއި ދެމެދު އެއްބަސްވުމެއްގައި މިއަދު ސޮއިކޮށްފިއެވެ.
މި އެއްބަސްވުމުގެ ދަށުން ދިވެހިރާއްޖޭގެ މީހުންދިރިއުޅޭ ހުރިހާ ރަށެއްގައި އޭޓީއެމް ބަހައްޓައި އަދި އޭޓީއެމްގެ ޚިދްމަތްތައް ދިނުމުގެ މަސައްކަތް ނިންމަން ކަނޑައަޅާފައިވާ ތާރީޚް އަކީ 31ޑިސެންބަރު 2025 އެވެ. އެގޮތުން ބޭންކް އޮފް މޯލްޑިވްސް އިން މީހުން ދިރިއުޅޭ ހުރިހާ ރަށަކަށް އެޓީއެމްގެ ޚިދްމަތް ފޮރުކޮށްދިނުމުގެ ގޮތުން 103 ރަށުގައި އަލަށް އޭޓީއެމް ޤާއިމްކުރެވިގެންދާނެއެވެ.