logo
banner image

އއ.ހިމަންދޫގައި ބީއެމްއެލްގެ ސެލްފްސާރވިސް އޭޓީއެމްގެ ޚިދުމަތް ފަށައިފި

އއ.ހިމަންދޫގައި ބޭންކް އޮފް މޯލްޑިވްސްގެ ސެލްފްސާރވިސް އޭޓީއެމްގެ ޚިދުމަތްދޭން ފަށައިފިއެވެ. މި އޭޓީއެމް ހުޅުވުމަކީ އެ ރަށުގެ ރައްޔިތުންނަށް ބޭންކިންގ ޚިދުމަތްތައް ލިބުމުގައި އިތުރު ފަސޭހަތަކެއް ގެނެސްދޭނެ ޚިދުމަތެކެވެ. 

އއ.ހިމަންދޫގައި ބޭންކް އޮފް މޯލްޑިވްސް އޭޓީއެމް ޚިދުމަތް ޤާއިމްކޮށްފައިވަނީ، އިޤްތިޞާދީ ތަރައްޤީއާ ވިޔަފާރިއާ ބެހޭ ވުޒާރާ، ބެންކޮ އޮފް މޯލްޑިވްސް އަދި ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) އާ އެކު އެކުލަވާލެވިފައިވާ އެއްބަސްވުމެއްގެ ދަށުންނެވެ. 

ރައީސުލްޖުމްހޫރިއްޔާ ޑރ.މުޙައްމަދު މުޢިއްޒުގެ މެނިފެސްޓޯއާ އެއްގޮތަށް، އަތޮޅުތެރޭގެ ރަށްތަކުގެ ތެރެއިން އޭޓީއެމް ޚިދުމަތް ނުލިބޭ ރަށްރަށަށް ޚިދުމަތް ފޯރުކޮށްދިނުމަށް ސަރުކާރުން ދަނީ ގިނަ މަސައްކަތްތަކެއް ކުރަމުންނެވެ. އެގޮތުން ދާދިފަހުން ފެރިދޫ އާއި ބޮޑުފުޅަދޫގައި ހުޅުވުނު އޭޓީއެމް ސެންޓަރާއެކު ބީއެމްއެލް އިންވަނީ އއ.އަތޮޅުގައި ޖުމްލަ 7 އޭޓީއެމް ސެނަޓަރު ޤާއިމްކޮށްފައެވެ. އަދި ބޭންކު އޮފް މޯލްޑިވްސް ފިޔަވާ އެހެން ބޭންކު ތަކުގެ ޚިދުމަތްވެސް އަތޮޅުތެރެއަށް ފުޅާކުރުމަށް ސަރުކާރުންގެންދަނީ މަސައްކަތް ކުރަމުންނެވެ.