logo
banner image

ި އޭއައި ފޯރަމް އިފްތިތާހްކުރުމުގައި އިގްތިސާދީ ތަރައްގީއާއި ވިޔަފާރިއާ ބެހޭ ވުޒާރާއިން ބައިވެރިވެއްޖެ

އޯ.އެކްސް.އައި.ކިއު.އޭ އިން އިންތިޒާމް ކޮށްގެން ރާއްޖޭގައި ފުރަތަމަ ފަހަރަށް ބޭއްވި އޭއައި ފޯރަމް އިފްތިތާހްކުރުމުގައި އިގްތިސާދީ ތަރައްގީއާއި ވިޔަފާރިއާ ބެހޭ ވުޒާރާއިން ބައިވެރިވެއްޖެއެވެ. ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވައުދުވެވަޑައިގެންނެވި ގޮތަށް އިގްތިސާދު ތަރައްގީ ކުރުމަށް ސަރުކާރުން ކުރާ ވައުދާ އެއްގޮތަށް ދިރުމެއް ހުރި އުފެއްދުންތެރި އަދި ޑިޖިޓަލް އިގްތިސާދެއް ގާއިމްކުރުމަށް  އާޓިފިޝަލް އިންޓެލިޖެންސްގެ ބޭނުން ހިފޭނެ ގޮތްތަކާއި އޭގެ ސަބަބުން ފަތުރުވެރިކަމުން ފެށިގެން ދަނޑުވެރިކަމާ ހަމައަށް އެކި ދާއިރާތަކަށް ލިބިގެންދާނެ ކުރިއެރުމާއި، ޑިޖިޓަލް ލޭންޑްސްކޭޕްގައި ކުރިއަށް ވިސްނާ ގައުމެއްގެ ގޮތުގައި ރާއްޖެ ބައްޓަން ކުރެވޭނެ ގޮތްތަކަށް ވަނީ އަލިއަޅުވާލާފައިވެއެވެ. 

އޭއައި ގެ ބޭނުން ހިފުމުން ލިބޭ ފައިދާތަކަކީ އިގްތިސާދީ ބޮޑު ފައިދާތަކަކަށް ވުމުން، ކުރިމަގުގައި ފުޅާ އިނޮވޭޝަން އާއި އެފިޝަންސީގެ މަގުތައް ފަހިވެގެންދާނެއެވެ. މީގެ އިތުރުން އޭއައި ޓެކްނޮލޮޖީއަށް އިންވެސްޓްކޮށް، ރާއްޖެއަށް ބޭރުގެ އިންވެސްޓަރުން ޝައުގުވެރިކޮށް، އާ ވަޒީފާތައް އުފެދި، އިގްތިސާދު ވަރުގަދަ ކުރެވޭނެއެވެ. މިއީ ސަރުކާރުން އިގްތިސާދު ފުޅާކުރުމަށް ކުރަމުންދާ މަސައްކަތުގެ ތެރެއިން އެޅިގެންދިޔަ މުހިންމު ފިޔަވަޅެކެވެ.