ރާއްޖޭގެ އިގްތިޞާދު އިތުރަށް ކުރިއެރުމުވުމަށް އެމްޓީސީސީއާއެކު ބައްދަލުވުމެއް ބާއްވައިފި

ބީސީސީގެ މެނޭޖިންގ ޑިރެކްޓަރ އިބްރާހިމް ޒިޔާއު މުޙައްމަދު، އެމްޓީސީސީގެ ޑެޕިއުޓީ މެނޭޖިންގ ޑިރެކްޓަރ މުހައްމަދު ޖަމްޝީދާ ބައްދަލުކުރައްވައިފިއެވެ. މި މަޝްވަރާގައި މައިގަނޑު ގޮތެއްގައި ކުރިއަށް ގެންގޮސްފައިވަނީ އިގްތިސާދީ ކުރިއެރުމަށް ހާއްސަ ސަމާލުކަމެއް ދީގެން ރާއްޖޭގެ އިގްތިޞާދަށް ކުރިއެރުން ލިބޭނެ ދާއިރާތައް ދެފަރާތުގެ އެއްބާރުލުމާއެކު ދެނެގަތުމެވެ.

ދެ ފަރާތުންވެސް ވަނީ ހަރުދަނާ ޕާޓްނަޝިޕްތަކެއް އުފެއްދުމާއި ސްޓްރެޓެޖިކް ލަނޑުދަނޑިތަކާ އެއްގޮތްވާ އައު ފުރުސަތުތައް ހޯދުމަށް މަސައްކަތް ކުރާނެކަމަށް މަޝްވަރާ ކުރައްވާފައެވެ. ރާއްޖޭގެ އިގްތިސާދު ފުޅާ ކުރުމަށް ކުރަންޖެހޭ މަސައްކަތްތަކުގައި، މި ބައްދަލުވުމުގައި މަޝްވަރާ ކުރެވުނު ކަންތައްތަކުގެ ބޭނުން ހިފިގެންދާނެއެވެ.