ފުވައްމުލަކު ސިޓީގައި ވިޔަފާރި އުސޫލުން ގޭގައި ކާބޯތަކެތި ތައްޔާރުކުރައްވާ ފަރާތްތަކަށް މަޢުލޫމާތު ދިނުމުގެ ދަންފަޅިއެއް ބާއްވަން ހަމަޖެހިއްޖެ

ކާބޯތަކެތި ތައްޔާރުކުރާ ފަރާތްތަކަށް ޚާއްޞަކޮށްގެން މަޢުލޫމާތު ދިނުމުގެ ދަންފަޅިއެއްބިޒްނަސް ސެންޓަރ ކޯޕަރޭޝަން (ބީސީސީ) އާއި ފުވައްމުލަކު ހޮސްޕިޓަލާއި ފުވައްމުލަކު ސިޓީ ކައުންސިލް ގުޅިގެން، ބާއްވަން ހަމަޖެހިއްޖެއެވެ. މި ދަންފަޅީގައި ބައިވެރިވެވަޑައިގެންނެވުމުގެ ފުރުޞަތު މިހާރު ވަނީ ހުޅުވާލާފައެވެ.   

1 ނޮވެމްބަރ 2024 ވަނަ ދުވަހު ފުވައްމުލަކު ސިޓީ ކައުންސިލްގައި ބާއްވާ މި ދަންފަޅީގައި އަލިއަޅުވާލާނެ މުހިންމު ބައިތަކުގެ ތެރޭގައި، ކާބޯތަކެތީގެ ރައްކާތެރިކަމުގެ ޤަވާޢިދާއި ދިރިތި ޕޯޓަލް މެދުވެރިކޮށް ލައިސަންސް ނަގާ ގޮތުގެ އިތުރުން، ކާބޯތަކެތި ގެންގުޅުއްވުމުގައި ސަމާލުކަން ދެއްވަންޖެހޭ ރައްކާތެރި އާދަތައް ހިމެނެއެވެ.