އައްޑޫ ސިޓީގައި ކާބޯތަކެތި ތައްޔާރުކުރައްވާ ފަރާތްތަކަށް ކަމާބެހޭ މަޢުލޫމާތު ދިނުމުގެ ދަންފަޅިއެއްގައި ބައިވެރިވުމުގެ ފުރުޞަތު ހުޅުވާލައިފި

ވިޔަފާރި އުސޫލުން ގޭގައި ކާބޯތަކެތި ތައްޔާރުކުރައްވާ ފަރާތްތަކަށް ޚާއްޞަކޮށްގެން މަޢުލޫމާތު ދިނުމުގެ ދަންފަޅިއެއް ބިޒްނަސް ސެންޓަރ ކޯޕަރޭޝަން (ބީސީސީ) އާއި އައްޑޫސިޓީ ކައުންސިލާއި ގުޅިގެން ބާއްވަން ނިންމަވައިފިއެވެ. މި ދަންފަޅީގައި ބައިވެރިވުމުގެ ފުރުޞަތު އައްޑޫ ސިޓީގައި ދިރިއުޅުއްވާ ފަރާތްތަކަށް މިހާރު ވަނީ ހުޅުވާލައްވާފައެވެ. 

އައްޑޫ ސިޓީ ކައުންސިލުގައި ބޭއްވުމަށް ހަމަޖެހިފައިވާ މި ދަންފަޅީގައި ބައިވެރިވާން ރަޖިސްޓަރީ ވުމުގެ ސުންގަޑިއަކީ 05 ނޮވެމްބަރ 2024 ވާ އަންގާރަ ދުވަހުގެ މެންދުރުފަހު 3:00 އެވެ. 

މި ދަންފަޅީގައި އަލިއަޅުވާލަން ހަމަޖެހިފައިވާ މުހިންމު ބައިތަކުގެ ތެރޭގައި ކާބޯތަކެތީގެ ރައްކާތެރިކަމުގެ ޤަވާޢިދާއި، ދިރިތި ޕޯޓަލް މެދުވެރިކޮށް ލައިސަންސް ނަގާ ގޮތުގެ އިތުރުން ކާބޯތަކެތި ގެންގުޅުއްވުމުގައި ސަމާލުކަން ދެއްވަންޖެހޭ ރައްކާތެރި އާދަތަކާއި އެމްއެފްޑީއޭގެ އިންސްޕެކްޝަނަށް ތައްޔާރުވާނެ ގޮތުގެ މަޢުލޫމާތު ހިމެނެއެވެ.