ތުރުކިޔޭގެ ޑިޒާސްޓަރ އެންޑް އެމަރޖެންސީ މެނޭޖްމަންޓް އޮތޯރިޓީގެ އިސްވެރިޔާއާ ދިފާޢީ ވަޒީރު ބައްދަލުކުރައްވައިފި

ތުރުކިޔޭގެ ޑިޒާސްޓަރ އެންޑް އެމަރޖެންސީ މެނޭޖްމަންޓް އޮތޯރިޓީގެ އިސްވެރިޔާ އޮކާއީ މެމިސްއާ ދިފާޢީ ވަޒީރު މުޙައްމަދު ޣައްސާން މައުމޫން ބައްދަލުކުރައްވައިފިއެވެ.

ފިލިޕީންސްގެ މެނިލާގައި ކުރިއަށްދާ އޭޝިއާ ޕެސިފިކް މިނިސްޓީރިއަލް ކޮންފަރެންސް އޮން ޑިޒާސްޓަރ ރިސްކް ރިޑަކްޝަންގެ ހަވާސާގައި ބޭއްވި މިބައްދަލުވުމުގައި، ޑިޒާސްޓަރ މެނޭޖްމަންޓް ދާއިރާއިން ދިވެހިރާއްޖެއާއި ތުރުކިޔޭއާ ދެމެދު އެއްބާރުލުން އިތުރުކުރުމާ ގުޅޭގޮތުން ދެ ބޭފުޅުން މަޝްވަރާކުރެއްވިއެވެ.

މިބައްދަލުކުރެއްވުމުގައި ދިފާޢީ ވަޒީރުގެ އިތުރުން، އެން.ޑީ.އެމް.އޭ.ގެ ޗީފް އެގްޒެކެޓިވް ހިސާން ޙަސަންއާއި ވަފުދުގެ އެހެން ބައިވެރިން ބައިވެރިވެވަޑައިގަތެވެ.