ވަޒީރު ސައީދު ޑިވެލޮޕްމަންޓް ބޭންކް އޮފް މޯލްޑިވްސް (ޑީބީއެމް) ގެ ބޯޑާއެކު ބައްދަލުވުމެއް ބާއްވައިފި

ޢިޤްތިޞާދާ ތަރައްޤީއާއި ވިޔަފާރިޔާ ބެހޭ ވަޒީރު މުޙައްމަދު ސައީދު ޑިވެލޮޕްމަންޓް ބޭންކް އޮފް މޯލްޑިވްސް (ޑީބީއެމް) ގެ ބޯޑާ ބައްދަލުކުރައްވައިއިފިއެެވެ. މިބައްދަލުވުމުގައި މޯލްޑިވްސް އިންޓަރނޭޝަނަލް ފައިނޭޝަލް ސާރވިސަސް އޮތޯރިޓީގެ ބޯޑުގެ ބޭފުޅުންވެސް ބައިވެރިވެލެއްއވިއެވެ. މި ބައްދަލުވުމުގައި ބޭންކާއިމެދު ސަރުކާރުންގެންގުޅޭ ތަސައްވުރާއި، ބޭންކުގެ މަސައްކަތް އަވަހަށް ފަށައިގަތުމަށް މަޝްވަރާ ކުރެވުނެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ތަސައްވުރާއެއްގޮތަށް، 2040 ވަނަ އަހަރާ ހަމައަށް ދިވެހިރާއްޖެ ތަރައްޤީވެފައިވާ ޤައުމަކަށް ހެދުމުގެ މަސައްކަތުގައި ޑިވެލޮޕްމަންޓް ބޭންކު އޮފް މޯލްޑިވްސް އަކީ މުހިންމު ދައުރެއް އަދާކުރާނެ މުއައްސަސާއެކެވެ. ވޭތުވެދިޔަ ފަނަރަ އަހަރު ޓޫރިޒަމާއި އެހެން އިޤްތިޞާދީ ބޭނުންތަކަށް ދޫކޮށްފައިވާ ރަށްތަކުގެ ތެރެއިން 80 އަށްވުރެ ގިނަ ރަށް އެކި ސަބަބުތަކާހުރެ މަސައްކަތް ހުއްޓި އިޤްތިޞާދީ މަންފާ ހުއްޓިފައިވެއެވެ. ޑިވެލޮޕްމަންޓް ބޭންކުން މި ކަންބޮޑުވުންތަކަށް ޙައްލު ގެނެސްދިނުމަށް އެހީތެރިވެދޭނެއެވެ.