ދިވެހިރާއްޖޭގައި ރުޕޭ ކާޑުން ފައިސާ ބަލައިގަތުމުގެ ޚިދުމަތް ތަޢާރަފް ކޮށްފި

ދިވެހިރާއްޖެ އާއި އިންޑިއާއި ދެމެދު މާލީ ދާއިރާއިން އެއްބާރުލުން އިތުރުކުމަށްޓަކައި ދިވެހިރާއްޖޭގައި އިންޑިއާ ރުޕޭ ކާޑުން ފައިސާ ބަލައިގަތުމުގެ ޚިދުމަތް ތަޢާރަފް ކޮށްފިއެވެ.

ރުޕޭ ކާޑުގެ ޚިދުމަތް ރަސްމީކޮށް ފައްޓަވައި ދެއްވީ ދިވެހިރާއްޖޭގެ ރައީސުލްޖުމްހޫރިއްޔާ ޑރ މުޙައްމަދު މުއިއްޒު އިންޑިއާއަށް ކުރައްވަމުން ގެންދަވާ ދަތުރުފުޅުގައި އިންޑިއާގެ ބޮޑުވަޒީރު ނަރެންދްރަ މޯދީ އާއި އެކު ދިއްލީގައި ބޭއްވުނު ރަސްމިއްޔާތެއްގައެވެ.

ރާއްޖެއަށް ތައާރަފް ކުރެވުނު ރުޕޭ ކާޑުގެ ޙިދުމަތަކީ ޒަމާނީ ފައިސާގެ ނިޒާމުތަކާއި ޕޭމަންޓް ވޮލެޓްތައް އަދި އައު ޑިޖިޓަލް ފައިނޭންސް ސިސްޓަމްތައް ދިވެހިރާއްޖެއަށް ގެނައުމާއި ތައާރަފް ކުރުމަށް ރައީސް ޑރ މުއިއްޒު ކުރައްވަމުންގެންދަވާ މަސައްކަތްތަކުގެ ތެރެއިން މަސައްކަތެކެވެ. ޜުޕޭ ކާޑުން ފައިސާ ބަލައިގަތުމުގެ ޚިދުމަތް ތަޢާރަފްކުރުމުން ދިވެހިރާއްޖޭގެ ވިޔަފާރިތަކުންދޭ ޚިދުމަތްތައް ލިބިގަތުމަށް އިންޑިއާގެ ފަތުރުވެރިންނާއި ރުޕޭ ކާޑު ބޭނުންކުރާ ފަރާތްތަކަށް ފަސޭހަވެގެންދާނެއެވެ.