ސަރުކާރުގެ ކަމާ ގުޅޭ އިދާރާތަކަށް އަމާޒުކޮށް، ޑަބް.ލިއު.ޓީ.އޯ ފިޝަރީޒް ސަބްސިޑީޒް އެއްބަސްވުމާ ގުޅޭ ވާރކްޝޮޕެއް ބާއްވައިފި

މިނިސްޓްރީ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑްއާއި ވޯލްޑް ޓްރޭޑް އޮގަނައިޒޭޝަން ( ޑަބްލިއު.ޓީ.އޯ) އާއި ގުޅިގެން، ޑަބްލިއުޓީއޯގެ ފިޝަރީޒް ސަބްސިޑީޒް އެއްބަސްވުމާ ގުޅޭ ގޮތުން، ސަރުކާރުގެ އޮފިޝަލުންނަށް އަމާޒުކޮށް، އޮންލައިން ވާރކްޝޮޕެއް، 30 ސެޕްޓެމްބަރ 2024 ވީ ހޯމަ ދުވަހު ވަނީ ބާއްވާފައެވެ. މިގޮތުން މި ވޯކްސޮޕްގައި މިނިސްޓްރީ އޮފް ޓްރާންސްޕޯރޓް، މިނިސްޓްރީ އޮފް ފިނޭންސް، މޯލްޑިވްސް ކަސްޓަމްސް ސަރވިސް،އެޓާރނީސް ޖެނެރަލް އޮފީސް، މިނިސްޓްރީ އޮފް ޑިފެންސް، މިނިސްޓްރީ އޮފް ފިޝަރީޒް އެންޑް އޯޝަންސް ރިސޯރސަސް، ރަޢީސުލް ޖުމްހޫރިއްޔާގެ އޮފީސް، މިފްކޯ އަދި އިކޮނޮމިކް މިނިސްޓްރީގެ އޮފިޝަލުން ހިމެނިވަޑައިގަންނަވާ ގޮތަށް ޖުމްލަ 28 ބޭފުޅުން ބައިވެރިވެވަޑައިގެންނެވިއެވެ.

ފިޝަރީޒް ސަބްސިޑީ އެއްބަސްވުމަކީ ޑަބްލިއު.ޓީއޯގެ މެންބަރު ގައުމުތަކުގައި މަސްވެރިކަމުގެ ސިނާއަތުގައި ހަރަކާތްތެރިވާ ފަރާތްތަކަށް ފިޝަރީޒް ސަބްސިޑީސް ދިނުމާއި ގުޅޭގޮތުން އެކުލަވާލާފައިވާ އެއްބަސްވުމެކެވެ. މި އެއްބަސްވުމާ ގުޅޭ ގޮތުން މައުލޫމާތު އޮޅުންފިލުވައިދީފައި ވަނީ، ޑަބްލިއުޓީއޯގެ ޓެކްނިކަލް އެސިސްޓަންސް ޓީމުގެ މާހިރުންނެވެ. މިގޮތުން، މި އެއްބަސްވުމުގެ މާއްދާތަކާ ގުޅޭ ޕްރެސެންޓޭޝަންސްތައް ހުށަހަޅައި، ބައިވެރިން ކުރި ސުވާލު ތަކަށް ޖަވާބު ދެއްވައި މައުލޫމާތު އޮޅުންފިލުވައި ދެއްވާފައިވެއެވެ.