އިޤްތިޞާދީ ތަރައްޤީއާއި ވިޔަފާރިއާ ބެހޭ ވަޒީރު މުޙައްމަދު ސަޢީދު ސަޢޫދީ ޢަރަބިއްޔާގެ ވިޔަފާރިއާ ބެހޭ ވަޒީރާ ބައްދަލު ކުރައްވައިފި
އިޤްތިޞާދީ ތަރައްޤީއާއި ވިޔަފާރިއާ ބެހޭ ވަޒީރު މުޙައްމަދު ސަޢީދު މިހާރު ސަޢޫދީ ޢަރަބިއްޔާއަށް ކުރައްވަމުން ގެންދަވާ ރަސްމީ ދަތުރުފުޅުގައި ސަޢީދު ސަޢޫދީ ޢަރަބިއްޔާގެ ވިޔަފާރިއާ ބެހޭ ވަޒީރު ޑރ. މާޖިދް ބިން ޢަބްދުﷲ އަލްޤަބަސީ އާ ބައްދަލުކުރައްވައި މަޝްވަރާ ކުރައްވައިފިއެވެ. މި ބައްދަލުވުމުގައި ސަޢުދީ ޢަރަބިއްޔާގެ ސަރުކާރުން ދިވެހިރާއްޖޭގެ ތަރައްޤީއާއި ކުރިއެރުމަށް ދެއްވަމުންގެންދަވާ އަހަމިއްޔަތުކަމާއި، ބާއްވަވާ ގާތް ގުޅުން ފާހަގަކުރައްވައި، ދިވެހިސަރުކާރުގެ ފަރާތުން ސަޢޫދީ ޢަރަބިއްޔާގެ ސަރުކާރަށް ޝުކުރު އަދާކުރައްވާފައިވެއެވެ.