logo
banner image

ލޯކަލް އޮތޯރިޓީ ކޮމްޕެނީސް (އެލްއޭސީ) ގެ މެނޭޖިންގ ޑިރެކްޓަރ އަޕްޑޭޓް ކުރާނީ ކިހިނެތް؟

ރާއްޖޭގެ ލޯކަލް އޮތޯރިޓީ ކޮމްޕެނީސް (އެލްއޭސީ) ގެ މެނޭޖިންގ ޑިރެކްޓަރ ރަޖިސްޓްރީ ކުރަން ނުވަތަ އަޕްޑޭޓް ކުރަން ޖެހިއްޖެނަމަ، އަމަލު ކުރަންވާނީ ތިރީގައި ބަޔާންކުރެވިފައިވާ އުސޫލަށެވެ. އެޕްލިކޭޝަން ހުށަހެޅުމަށް ޝަރުތު ހަމަވުމަށްޓަކައި، މެނޭޖިންގ ޑިރެކްޓަރ އައްޔަންކޮށްފައިވަނީ ސިޓީ، އަތޮޅު، ނުވަތަ ރަށު އުންސިލުން ކަމުގައި ވާން ޖެހޭނެއެވެ. މީގެ އިތުރުން "އީގަވް.އެމްވީ" ގައި އާންމު ކުރެވިފައިވާ ޑިރެކްޓަރަކު ކަނޑައަޅާފައިވާ "ފިޓް-އެންޑް-ޕްރޮޕަރ-ރިކުއަރިމަންޓްސް-ފޯ-އެލްއޭސީ-ޑައިރެކްޓަރސް" ޕީ.ޑީ.އެފް ފައިލުގައި ބަޔާންކޮށްފައިވާ "ފިޓް އަދި ޕްރޮޕަރ" ޝަރުތުތައް ފުރިހަމަވާންޖެހޭނެއެވެ. އަދި އެއާއެކު، މި އެޕްލިކޭޝަން ހުށަހަޅަންވާނީ އެ ކުންފުނީގެ ފަރާތުން ޕޯޓަލް ބޭނުންކުރުމަށް އައްޔަންކޮށްފައިވާ އަދި ހުއްދަ ލިބިފައިވާ ފަރާތެކެވެ.

މެނޭޖިންގ ޑިރެކްޓަރ ރަޖިސްޓްރީ ކުރުމަށް ނުވަތަ އަޕްޑޭޓް ކުރުމަށް އެޕްލައި ކުރަން ފަށާނީ އީފާސް އެކައުންޓަށް ލޮގިން ވެގެނެވެ. ލޮގިންވުމަށްފަހު "ވަންގަވް" ހޯމްޕޭޖަށް ޑައިރެކްޓް ކުރެވިގެންދާނެއެވެ. އެ ޕޭޖުން އެލްއޭސީތަކަށް ބޭނުންވާ ހިދުމަތްތައް ލިބިވަޑައިގަންނަވާނެއެވެ. އެޕްލިކޭޝަން ހުށަހެޅުމަށް ބޭނުންވާ ލިޔެކިޔުންތަކުގެ ތެރޭގައި، ވަޒީފާއިން ވަކިވާ މެނޭޖިންގ ޑިރެކްޓަރު ވަޒީފާއިން ވަކިކުރާ ތާރީހު ބަޔާންކޮށްފައިވާ، ސިޓީ ނުވަތަ އަތޮޅު ނުވަތަ ރަށު ކައުންސިލު ހިއްސާދާރުންގެ ގަރާރާއި، އާ މެނޭޖިންގ ޑިރެކްޓަރުގެ ރުހުމުގެ ސިޓީއާއި، އާ މެނޭޖިންގ ޑިރެކްޓަރުގެ ދިވެހި ރައްޔިތެއްކަން އަންގައިދޭ ކާޑުގެ ކޮޕީ ހުށަހަޅަން ވާނެއެވެ.

އެޕްލިކޭޝަން ހުށަހެޅުމަށްފަހު އީމެއިލް އަދި ފޯނު މެދުވެރިކޮށް އެޕްލިކޭޝަން ހުށަހެޅުނުކަން ޔަގީން ކޮށްދޭ ނޮޓިފިކޭޝަނެއް ލިބިގެންދާނެއެވެ. އަދި ޕޯޓަލްގައިވާ "މައި އެޕްލިކޭޝަންސް" ޓެބް މެދުވެރިކޮށް އެޕްލިކޭޝަންގެ ސްޓޭޓަސް ކުރެވޭނެއެވެ. ވުޒާރާއިން އެޕްލިކޭޝަން ޕްރޮސެސްކޮށް ނިމުމުން، ގެނެވުނު ބަދަލު ދައްކުވައިދޭ، އަޕްޑޭޓް ކުރެވިފައިވާ ކޯޕަރޭޓް ޕްރޮފައިލް ޝީޓް އީމެއިލް މެދުވެރިކޮށް އެޕްލިކޭޝަން ހުށަހެޅި ފަރާތައް ފޮނުވޭނެއެވެ. ރަނގަޅަށް ފުރިހަމަކޮށް، ސައްހަ ލިޔެކިޔުމާއެކު ހުށަހެޅޭ ހުރިހާ އެޕްލިކޭޝަންތަކެއް ޕްރޮސެސް ކުރުމަށް ލަފާކުރެވޭ މުއްދަތަކީ އެޕްލިކޭޝަން ހުށަހެޅޭ ރަސްމީ މަސައްކަތު ދުވަހުގެ ތެރޭގައެވެ. މިކަމާ ގުޅިގެން އިތުރު އެއްވެސް ތަފްސީލެއް ނުވަތަ އެހީތެރިކަމެއް ބޭނުންވާނަމަ އިގްތިޞާދީ ތަރައްގީއާއި ވިޔަފާރިއާ ބެހޭ ވުޒާރާއިން މައުލޫމާތު ސާފުކުރެވޭނެއެވެ.