logo
banner image

ޕްރިޒަން އޮފިސަރުންގެ 29 ވަނަ އަސާސީ ތަމްރީން ޕްރޮގްރާމް ހުވާކުރުމުގެ ރަސްމިޔާތު ވަޒީރު ސައީދު ޝަރަފްވެރިކޮށްދެއްވައިފި

މޯލްޑިވްސް ކަރެކްޝަނަލް ސަރވިސްގެ 29 ވަނަ އަސާސީ ތަމްރީން ޕްރޮގްރާމްގެ ބައިވެރިން ދަސްވެނިވުމާއި ހުވާކުރުމުގެ ރަސްމިއްޔާތު އިޤްތިޞާދާއި ތަރައްޤީއާއި ވިޔަފާރިއާބެހޭ ވަޒީރު މުޙައްމަދު ސަޢީދު ޝަރަފްވެރިކޮށްދެއްވައިފިއެވެ.

ކ.މާފުށީގައި ބޭއްވި މި ރަސްމިއްޔާތުގައި ވާހަކަފުޅު ދައްކަވަމުން ވަޒީރު ސައީދު ވިދާޅުވީ، ސަރުކާރުން މަސައްކަތްކުރަނީ ރާއްޖޭގައި އުފެދިފައިވާ މައްސަލަތަކަށް ހައްލެއް ގެނައުމަށް ކަމަށެވެ. އަދި ޤައުމު ބިނާކުރުމަށްޓަކައި އަދުގެ ރައީސުލްޖުމްހޫރިއްޔާ ޑރ. މުޙައްމަދު މުއިއްޒު ކުރައްވަމުން ގެންދަވާ ހިތްވަރުގަދަ މަސައްކަތައް ޝުކުރު ޙައްޤުކަމަށްވެސް އެމަނިކުފާނު ވިދާޅުވިއެވެ.

ވަޒީރު ސައީދު އިތުރަށް ވިދާޅުވީ، ޤައުމު ބިނާކުރުމަށްޓަކައި ހުރިހާ މުވައްސަސާއަކުންވެސް އެއް އަޒުމެއްގައި މަސައްކަތްކުރަންޖެހޭ ކަމަށެވެ. އަދި އެމަގުން މަސައްކަތްކޮށްފިނަމަ ރާއްޖެއަކީ ސަރަހައްދުގައި ކުރިއަރާފައިވާ ޤައުމަކަށް ވެގެންދާނެކަމަށްވެސް ވިދާޅުވިއެވެ.

މި ރަސްމިއްޔާތުގައި ވަޒީރު ސައީދު ވަނީ ވަނަވަނަ އަށް ހޮވުނު އޮފިސަރުންނަށް ސެޓިފިކެޓާއި ޝީލްޑް ހަވާލުކުރައްވާފައެވެ. މި ތަމްރީން ޕްރޮގްރާމް ވަނީ 36 އޮފިސަރަކު ފުރިހަމަކޮށްފައެވެ.