ދިވެހިރާއްޖެއިން އެޑެޕްޓޭޝަން ފަންޑުގެ 47 ވަނަ ބޯޑު ބައްދަލުވުމުގައި ބައިވެރިވެއްޖެ
ދިވެހިރާއްޖޭގެ މިނިސްޓްރީއަކުން، އެޑެޕްޓޭޝަން ފަންޑުގެ 47 ވަނަ ބޯޑު ބައްދަލުވުމުގައި ބޯޑު މެންބަރެއްގެ ހައިސިއްޔަތުން ބައިވެރިވެއްޖެއެވެ. މި ބައްދަލުވުން ބާއްވާފައިވަނީ އޮކްޓޯބަރު 19 އިން 23 އަށް ޖަރުމަނުގެ ބޮންގައެވެ.
މި ބައްދަލުވުމުގައި ދިވެހިރާއްޖެ ތަމްސީލުކުރައްވާފައިވަނީ ކްލައިމެޓް ޗޭންޖްގެ ޑިރެކްޓަރ ޖެނެރަލް އަމްޖަދު އަބްދުﷲއެވެ.
އެޑެޕްޓޭޝަން ފަންޑަކީ ހަމައެކަނި ތަރައްގީވަމުން އަންނަ ގައުމުތަކަށް އެހީތެރިކަން ފޯރުކޮށްދިނުމަށް ހަދާފައިވާ، މޫސުމަށް އަންނަ ބަދަލުތަކާ ގުޅިގެން ޖެހޭނެ ތައްޔާރީތަކަށް ޚާއްސަ ކުރެވިފައިވާ، ހަމައެކަނި މަލްޓިލެޓަރަލް ކްލައިމެޓް ފަންޑު ކަމަށްވުމުން، ދިވެހިރާއްޖެއިން ވަނީ މި ފަންޑަށް އަބަދުވެސް ތާއީދުކޮށް، އެ ފަންޑަށް ފައިސާ ހޯދުމަށް ގޮވާލާފައެވެ. ދިވެހިރާއްޖެ ފަދަ ކުދި ޖަޒީރާ ގައުމުތަކަށް މޫސުމީ ބަދަލުތަކުގެ ސަބަބުން ދިމާވާ ގޮންޖެހުންތަކާ ކުރިމަތިލުމަށް މި ފަންޑުގެ އެހީތެރިކަން ވަރަށް ބޮޑަށް ބޭނުންވެއެވެ. މިފަދަ ބައްދަލުވުންތަކުގައި ބައިވެރިވުމަކީ ދިވެހިރާއްޖޭގެ މަސްލަހަތު ހިމާޔަތްކުރުމަށް ވަރަށް މުހިންމު ކަމެކެވެ.