"ވިލުންވެށި" ގްރާންޓް ޕްރޮގްރާމުގެ އިވެލުއޭޝަން ކޮމިޓީގެ ފުރަތަމަ ބައްދަލުވުން ބާއްވައިފި

"ވިލުންވެށި" ގްރާންޓް ޕްރޮގްރާމުގެ ގްރާންޓްސް އިވެލުއޭޝަން ކޮމިޓީގެ ފުރަތަމަ ބައްދަލުވުން ކާމިޔާބުކަމާއެކު ބާއްވައިފިއެވެ.

މި ބައްދަލުވުމުގައި ކޮމިޓީގެ މެންބަރުންނަށް މި ޕްރޮގްރާމާ ގުޅޭ މައުލޫމާތާއި، ޕްރޮގްރާމުގެ މައިގަނޑު މަގުސަދުތައް ވަނީ ހިއްސާކޮށްފައެވެ. އަދި ގްރާންޓަށް އެދި ހުށަހަޅާ ފަރާތްތަކުގެ އެޕްލިކޭޝަންތައް އިވެލުއޭޓް ކުރުމާއި، އެންޑޯސް ކުރުމުގެ މަރުހަލާގައި ކޮމިޓީގެ މެންބަރުން އަދާކުރަންޖެހޭ ދައުރާއި ޒިންމާތަކާ ގުޅޭގޮތުންވެސް ފުޅާ ދާއިރާއެއްގައި ވަނީ މައުލޫމާތު ދީފައެވެ.

ގްރާންޓްސް އިވެލުއޭޝަން ކޮމިޓީގެ މައިގަނޑު މަސައްކަތަކީ އެސްއެމްއީ ހަބް (SME Digital Hub) މެދުވެރިކޮށް ޝޯޓްލިސްޓް ކުރެވޭ އެޕްލިކޭޝަންތައް މުރާޖައާކޮށް، އެންޑޯސް ކުރުމެވެ. މީގެ މައިގަނޑު މަގުސަދަކީ ޝަރުތު ހަމަވާ ފަރާތްތައް ހޮވުމުގައި ހަރުދަނާ އުސޫލުތަކެއް ގެންގުޅުމާއެކު، ދެފުށް ފެންނަ، އިންސާފުވެރި ނިޒާމެއްގެ ތެރެއިން އެ މަސައްކަތް ކުރިއަށް ގެންދިއުމެވެ.

މި ބައްދަލުވުމާއެކު، "ވިލުންވެށި" ގްރާންޓް ޕްރޮގްރާމުގެ ދަށުން އެހީ ދިނުމަށް ކުރަންޖެހޭ އެންމެހައި އިވެލުއޭޝަން މަރުހަލާތައް ރޭވިފައިވާ ތާވަލާ އެއްގޮތަށް ކުރިއަށްދާނެ ކަމަށް މައުލޫމާތު ލިބެއެވެ.