ޗައިނާގެ 77 ވަނަ ޤައުމީ ދުވަހުގެ ތަހުނިޔާ، ފޮރިން މިނިސްޓަރ އިރުތިޝާމް އާދަމް ޗައިނާގެ ފޮރިން މިނިސްޓަރަށް ފޮނުއްވައިފި
ޗައިނާގެ 77 ވަނަ ޤައުމީ ދުވަހުގެ މުނާސަބަތުގައި، ޗައިނާގެ ސީ.ޕީ.ސީ ސެންޓަރަލް ކޮމިޓީގެ ޕޮލިޓިކަލް ބިއުރޯގެ މެމްބަރު، އަދި ފޮރިން މިނިސްޓަރ ވަންގ ޔީ އަށް، މިނިސްޓަރ އޮފް ފޮރިން އެފެއާޒް އަލްފާޟިލާ އިރުތިޝާމް އާދަމް ތަހުނިޔާ ދަންނަވައި ސިޓީފުޅެއް ފޮނުއްވައިފިއެވެ.
އެ ކަމަނާގެ ސިޓީފުޅުގައި ޗައިނާގެ 77 ވަނަ ފަޚުރުވެރި ޤައުމީ ދުވަހުގެ ތަހުނިޔާއާ ހެޔޮއެދުންތައް އެޤައުމުގެ ސަރުކާރާއި، ރައްޔިތުންނަށާއި ފޮރިން މިނިސްޓަރަށް އަރިސްކުރެއްވިއެވެ. އަދި ދިވެހިރާއްޖެއާއި ޗައިނާއާ ދެމެދު އޮތް ޒަމާންވީ ގުޅުން ފާހަގަކުރައްވައި، ދިވެހި ސަރުކާރުން ޗައިނާއާ ދެމެދު ގެންގުޅޭ "ވަން ޗައިނާ" ސިޔާސަތު އަބަދުވެސް ދަމަހައްޓާނޭ ކަމުގެ ޔަޤީންކަން އައު ކުރެއްވިއެވެ.
މީގެއިތުރުން ދިވެހިރާއްޖެއާއި ޗައިނާއާ ދެމެދު އޮތް ގުޅުން އިތުރުކުރުމަށްޓަކައި އެކުލަވާލެވިފައިވާ ފްރޭމްވަރކް ތަންފީޒުކުރުމުގައި ދެ ޤައުމު ގުޅިގެން މަސައްކަތް ކުރައްވާނެކަމުގެ އުއްމީދު އެކަމަނާ ފާޅުކުރެެއްވިއެވެ.
ފޮރިން މިނިސްޓަރު އިރުތިޝާމް ވަނީ ޗައިނާގެ ރައްޔިތުންނަށް އަމާން، ފާގަތި އަދި ފަހި ދުވަސްތަކެއް އެދޭކަމަށާއި، ދިވެހިރާއްޖެއާއި ޗައިނާއާ ދެމެދު އޮތް އެކުވެރިކަން ކުރިޔަށް އޮތް އަހަރުތަކަށްވެސް ދެމިގެންދާނެކަމަށް ވިދާޅުވެފައެވެ.